受疫症影響,大家都少咗出街食飯,好多食肆生意下跌,不過店家並未氣餒,積極推出唔同優惠吸客,例如外賣或堂食均享折扣、惠顧送口罩等,「疫」起自強,值得支持,加上啲優惠真係幾筍架!

Goobne Chicken 送口罩

主打韓味烤雞嘅Goobne Chicken,採用新鮮雞肉製作,是韓國第一烤雞品牌。面對疫情,店家除了嚴格檢查員工健康狀況,又於店面進行全面消毒,更即時購入口罩、消毒搓手液等防疫用品,現凡惠顧,每枱食客可獲贈一包口罩(5個裝),店定亦會將買來的口罩捐贈給社福機構,幫助弱勢社群,大家其渡時艱。

 

Goobne Chicken
地址:尖沙咀赫徳道4號THE HART 2樓
電話:2311 0001

酒鍋 $68起一人一鍋
新派火鍋店「酒鍋」除了加強店舖清潔,如有需要,客人可要求使用一次性即棄餐具,務求令客人食得安心。特設一人一鍋,每張飯桌也相隔至最少兩米距離!堂食或外賣,均設「抗疫快閃優惠」,例如惠顧尖沙咀分店,可以八折優惠點選單點湯底(「一人一鍋」除外)及享用各式火鍋配料,。午市期間惠顧,只需$68起,即可享用酒鍋午市「一人一鍋」及台式特飲。外賣亦有特別推廣,優惠期內,所有自取(只限尖沙咀店)/外送單點(堂食/外賣)可享七折優惠(優惠碼 "TDPSD"),折扣後惠顧滿$2,500更可免運費!

 

酒鍋
尖沙咀天文台道8號2樓1號舖(2321 9038)
銅鑼灣登龍街18號Vpoint 27樓全層(2321 9038)

倫哥私房菜 外賣鮑魚花膠雞煲
叫外賣的人多咗,點樣先可以突圍而出?倫哥私房菜就諗到推岀「懶人雞煲」!除咗招牌菜式2磅重阿嫲雞煲,隨雞煲附上固體燃料、鍋具,套餐優惠價只售$188,仲可以加$70配埋鮑魚花膠,保證原汁原味。另一推廣係$288豪食外賣佛跳牆,材料有海參、鮑魚、魚膠、蹄筋、杏鮑菇、螺片、素魚翅,4至6人份,外賣到家,抵食!

 

倫哥私房菜
訂購電話:5546 6499/6209 3572

海雲天 送食療湯水及口罩
位於紅磡海逸君綽酒店嘅「海雲天」,新開張但撞正「疫」市,即時推岀多項優惠吸客!包括套餐「雲天珍品盛宴」,只需$288/位(2位起)。另有海鮮餐「蟹之約會」,每位$698,買一送一,套餐全為蟹菜式,包括蟹肉燕窩羮、芝士焗蟹蓋、星洲黑胡椒蟹等,好足料!三月份逢星期六、日個午市點心優惠亦吸引,惠顧即享85折!折扣以外,每位顧客可獲贈由註冊中醫師調配嘅食療湯水及同埋口罩兩個,十分貼心!

 

海雲天
地址:紅磡德豐街20號九龍海逸君綽酒店二樓
電話:2996 8460

幸福·駅 免費送貨
3月開始,重回Office的上班族,午餐可能係大家最煩惱嘅一環。日式飯糰店「幸福·駅」逆市擴充,早前於旺角開店,更加推外賣服務,只要訂滿10個便當,即享免費送貨!名式便當都只係$48起,例如照燒雞扒便當、和風牛肉便當、蒲燒鰻魚便當、汁煮牛肉便當、十勝豚肉便當、豚肉生姜燒便當,早一日訂購加送紙包飲品,搵同事夾單最適合!旺角門市更有新優惠,包括早上8時至10時,任何飯糰加紙包飲品$22;午市買飯糰第三個半價,20款飯糰口味任君選擇!

 

幸福·駅
旺角雅蘭中心LA1舖
銅鑼灣禮頓道118號Shop 5A
訂購電話:9370 8762

 

【味之大賞】特色食府指南 以味道分高下
FB:fb.com/AwardsOfTASTE/
IG:instagram.com/awardsoftaste/

更多【味之大賞】文章:

「隔離」飯香 酒店級外賣直送屋企!

【味之大賞 香港】巨蟹兩食 首創阿拉斯加蟹甲羅燒

 

 

 

e-max.it: your social media marketing partner