Rasonic全新蒸氣焗爐

蒸焗爐近年成為大眾首選,Rasonic推出全新座檯式蒸氣焗爐RSG-R38W,備有外置水箱設計及38公升大容量,增加內腔煮食空間,實用之餘亦為廚房增添美感。另設六種烹調程式:烤焗、熱風上下烤焗、熱風對流、蒸煮、蒸烤及熱風蒸烤,還有五大功能,包括發酵、解凍、殺菌、除垢及DIY食譜。同時內置18款烹調食譜,廚房新手亦可輕鬆煮出佳餚。查詢:2861 2767


2018-11-14, 週三
海港城美景盛宴

即日起至11月30日,海港城20多間中外餐廳攜手以「Cheers in the City」為題,舉辦一連串美酒佳餚活動,呈獻自家季節限定菜式,並為客人配上合適佳釀,包括米芝蓮推介餐廳唐人館,供應招牌中菜及紅酒;又有來自米蘭的Paper Moon,請來米蘭行政總廚坐陣,讓你一嚐正宗意國風情。另一活動是「Happy Sunset Hour」特色Seafood Tapas配美酒,場內9間餐廳如映水芙蓉、六公館、天穴,供應環球海鮮Tapas配雞尾酒、紅白酒或啤酒,到時可品嚐美食,兼賞日落!


2018-11-07, 週三
竹炭咖啡千層蛋糕

黑得發亮的Lady M竹炭咖啡千層蛋糕($75/件),是否你杯茶?新品同樣由超過20層透薄班戟組成,配以炭燒咖啡味竹炭忌廉,香且回甘。面層有竹炭醬和可可粒,入口每啖都非常軟滑。銅鑼灣店:2861 1866


2018-11-06, 週二
送奇華鮮肉臘腸

聞到臘腸香,就知又到秋冬季嘞!奇華11月5日至25日推出立冬優惠,購買奇華鮮肉臘腸十條裝,或鮮鴨膶腸八條裝,即可獲贈四條裝鮮肉臘腸(價值$85),別錯過機會呀。另推介奇華極上珠姐XO醬,$142/樽,配臘味煲仔飯一流!


2018-11-02, 週五
SUBWAY買一送一

11月2日(明天)係世界三文治日,不過重點係,SUBWAY16間分店推出潛艇堡買一送一優惠呀!明天早上11時至晚上7時,去指定分店購買任何正價6吋潛艇堡套餐,即送6吋潛艇堡一個(送完即止),SUBWAY同時會將其中$5收益,捐俾香港聖雅各福群會,即係你去幫襯,都做緊善事架!


2018-11-01, 週四
馬莎萬聖節糖果

要介紹萬聖節糖果,一定唔少得Marks & Spencer。今年有首次引入香港嘅Count Colin Caterpillar不含明膠毛毛蟲可樂果汁味軟糖,賣相有趣,味道都唔錯。另有啫喱糖以牙齒及蜘蛛造型登場,餅乾類都不遜色,有木乃伊薑餅餅乾、手指牛油餅,但講到惹味就一定係吸血鬼牙齒形芝士味粟米小食啦!電話:2921 8323(中環店)


2018-10-26, 週五
法國保祖利佳釀

法國保祖利(Beaujolais)產酒區以精緻小巧見稱,有超過二千名酒農,一直致力傳承源自古羅馬時代的釀酒工藝。在保祖利葡萄酒之中,高達98%都是採用加美(Gamay)葡萄釀造的紅酒和玫瑰紅酒,再配合12個法定命名產區,例如聖阿姆(Saint-Amour)、慕崗(Morgon)、寶兒(Brouilly)的獨特風土,令出品各有韻味。10月25日至28日於中環海濱長廊舉行的「香港美酒佳餚巡禮」,將可一次過品味保祖利葡萄酒推廣局帶來的12種保祖利美酒風情,別錯過這醉人機會!(展位:A18、A19和A20)


2018-10-23, 週二
樂天經典送$100餐飲券

主打正宗南洋中菜的樂天經典,在尖沙咀加拿芬廣場開了新分店,而且營業至凌晨1點!即日起至11月30日,新店推出「年度PK爭霸戰」,以兩大特色菜「龍虎燴」及「古早魚香老鼠粉煲」比鬥一番。食客只需掃描QR Code進入小遊戲,再根據指示完成遊戲後,分享遊戲連結至Instagram或Facebook,再標記3位朋友,即享菜式5折優惠,還有隱藏版現金劵等你領取!此外,推廣期內來用餐,即可獲贈$100餐飲券,下次惠顧滿$300即可使用。電話:2882 3313


2018-10-16, 週二
DIVA冷壓慢磨原汁機

韓國人氣慢磨原汁機品牌HUROM(惠人)新品「DIVA冷壓慢磨原汁機」,以創新無網組合過濾隔,取代螺旋刷和金屬濾網,5分鐘可完成清洗程序。大細口雙進料斗及7度傾斜設計亦貼心方便,令蔬果汁輕易倒出。HUROM的出品比傳統高速榨汁機優勝之處,是採用先進的43轉雙翼冷壓慢磨技術,令抗氧化酵素不易受到破壞。同時因為使用冷壓慢磨製作原汁,較少空氣進入,大大減少氧化程度,蔬果營養得以保留。建議零售價$4,680,Fortress豐澤電器、永安百貨、HUROM(惠人)香港官方網站有售。查詢:2616 2449


2018-10-05, 週五
澳洲No.1高鈣植物奶

維他奶旗下的澳洲VITASOY高鈣植物奶系列首次登陸香港!主打高鈣、零毫克膽固醇及無乳糖的植物奶,共有5種口味,包括採用澳洲有機大豆製造的原味豆奶、幼滑原味豆奶,其餘椰子奶、杏仁奶、無添加糖米奶亦各有滋味,5款都健康有營養,亦可為環保出一分力。新品現於Market Place by Jason、HKTV mall及Green Common有售。另推介「維他奶鈣思寶」高鈣植物奶系列的杏仁高鈣、椰子高鈣植物奶,同樣高鈣、低糖及零毫克膽固醇。系列中另有無添加糖選擇,迎合不同人士的健康需要。指定產品現於於各大超市及便利店有售。


2018-10-03, 週三
豬潤可補血,菠菜又含豐富鐵質,營養靚粥,街都未必食到! 材料: 白米 半杯 豬潤 150g 菠菜 半斤   做法: 1.豬潤切片,快炒後撈起備用。 2.將豬潤加入白粥。 3.將菠菜放入鍋裡拌勻至腍身。完成!   你或有興趣的文章: 10分鐘 春卷皮變粟米撻 自家煮 香蔥紅棗魚柳  
2018-11-14,週三
東京控一定對「梅丘壽司の美登利」唔陌生,其主打平價高質的壽司,深受旅客及本地人愛戴。最近這家名店已進駐旺角雅蘭中心,為海外首間分店,仲專誠委派了在東京店工作了11年的日藉師傅望月美男坐鎮,帶來超過80款壽司和手卷等,款式選擇勁多。這裏絕大部分材料由日本直送,如選用山形縣産米、瀬戸内産的紫菜、連玉子燒都係直接由總店直送到港!必試足足有10吋長的元祖原條穴子壽司、瀉到一碟都係嘅特盛筋子和大赤海老等等。價錢方面,由最平$10吞拿魚筋起,最貴的極上海膽才$78,性價比高,抵食!   梅丘壽司の美登利 地址:旺角彌敦道639號雅蘭中心2樓202號 電話:3571 9018   你或有興趣的文章: Yummy!大坑滑蛋菠蘿包 $200星期六日酒店食Buffet!  
2018-11-12,週一
春卷皮幾好用架!做撻皮相當唔錯,放上餡料同焗,又薄又夠脆!   材料: 春卷皮、香腸、番茄醬、粟米、油 做法: 1.香腸切粒。 2.在焗模上掃油。 3.放上春卷皮。 4.加入香腸、番茄醬及粟米。 5.按喜好加入芝士。   你或有興趣的文章: 自家煮 香蔥紅棗魚柳 對抗秋燥 薰衣草蜜糖鮮奶食譜  
2018-11-09,週五
魚柳啖啖肉,用黎炸的確好味,其實中式煮法以薑蔥蒸熟都唔錯架,加紅棗同蒸可以食埋添,補氣血!   你或有興趣的文章: So脆!蜜糖燕麥脆餅DIY $200星期六日酒店食Buffet! Yummy!大坑滑蛋菠蘿包    
2018-11-07,週三
位於大坑嘅順興車仔麵大牌檔,經常爆場,佢個滑蛋菠蘿包又真係好吸引,大大個配滑蛋,色香味美。   順興車仔麵大牌檔 地址:大坑京街第一巷 電話:2576 6577   你或有興趣的文章: $200星期六日酒店食Buffet! 聖誕美食市集 4米高泰迪熊坐陣  
2018-11-06,週二
好多朋友一聽麥皮就嗌唔好食,將佢整成脆餅,甜蜜又鬆脆,不知幾好味!   材料: 大燕麥片 180g 雞蛋 1顆 蜜糖漿 30ml 牛油 130g 砂糖 80g 中筋麵粉 140g 泡打粉 1/2茶匙 鹽 少許   做法: 1.將燕麥片放入已預熱200度的烤盤約10分鐘,取出備用。 2.將糖和奶油拌勻,加入雞蛋再拌勻。 3.麵粉過篩加入,再加入鹽、泡打粉,拌勻。 4.加入蜜糖漿和已烤好的大燕麥片,拌勻。 5.把麵團輕壓成扁圓形,放入200度焗爐10分鐘,表面金黃色即可。   你或有興趣的文章: 醒胃檸檬雞扒食譜 【1分鐘烹飪教室】蒸魚至醒法  
2018-11-06,週二
星期六、日總係想訓晏啲,放心,遲起的鳥兒一樣有蟲吃!如心海景酒店暨會議中心的Café Circles,推出「自助晏啲食 」Lunch Buffet,每位$200就食到酒店自助餐,仲平過第一輪自助餐$88,加埋指定信用卡85折優惠,分分鐘唔使$200添。自助餐有齊魚生、海鮮冷盤、多款熱辣辣菜式,以及即煮Live Counter,甜品更加唔少得,$200放假食足兩小時Buffet,爽呀!   「自助晏啲食 」自助午餐 供應日期:逢星期六、日及公眾假期 供應時間:下午1:30-3:30 價錢:每位 $200 (成人、長者及小童同價,另收加一) 地址:荃灣楊屋道8號如心海景酒店暨會議中心9樓 電話:2280 2868   你或有興趣的文章: 聖誕美食市集 4米高泰迪熊坐陣 海洋公園食住玩 全新酒店食Buffet!  
2018-11-02,週五
商場開始飄出聖誕味嘞!好似九龍灣德福廣場,今年有全球首隻4米高毛毛國王泰迪熊坐陣,配合好多德國美食,打造成「泰迪熊聖誕市集」,活動至2019年1月1日,唔好錯過影相打卡同品嚐特色美食嘅好機會呀。   德福廣場「泰迪熊聖誕市集」 日期:2018年月11月5日(星期一)至2019年1月1日(星期二) 時間:早上11時至晚上9時 地點:九龍灣德福廣場一期中央展場 德福廣場「Steiff泰迪熊展覽」 時間:早上11時至晚上9時 地點:九龍灣德福廣場二期中庭   你或有興趣的文章: 海洋公園食住玩 全新酒店食Buffet! 旺角即炸三色薯條  
2018-11-02,週五
以後去海洋公園唔只玩,仲可以住酒店同食Buffet!因為香港海洋公園萬豪酒店正式開幕嘞,有天橋直駁海洋公園,又响港鐵站隔離,真係好方便。住到酒店主題房當然開心,只係黎參觀、開餐,一樣係好選擇。酒店內有四間餐廳酒吧,又將會有個高16米、跨越3層嘅圓柱形水族館,玩完黎食,食完去參觀,之後住一晚,玩兩日一夜不是夢呀! 酒店內分別有供應自助餐嘅「海灣餐廳」、主打順德又同時食到廣東菜嘅「南海小館」,傳統美式扒房「Prohibition扒房.酒吧」及型格「Pier酒廊及酒吧」,值得一讚係所有餐廳都用可持續發展嘅海產,同埋問有認證嘅供應商購入本地養殖嘅海產,非常有心架!特別推介「海灣餐廳」,黎呢度食自助餐好多高質美食,包括米芝蓮叉燒、海鮮冷盤、日本黎嘅刺身、足料燉湯,加上地方闊落,唔錯!   海灣餐廳 地址︰黃竹坑道 180 號香港海洋公園萬豪酒店地下 電話︰3555 1700 營業時間︰6:30am-11pm 收費︰ 午市自助餐:成人$338 起、小童 $218 起(設加一) 晚市自助餐:成人 $598 起、小童 $378 起(設加一) 酒店官網     你或有興趣的文章: 旺角即炸三色薯條 嚐一口幸福Pancake 日本人氣店抵港  
2018-11-01,週四
最近天氣相當乾燥,用蜜糖整呢款甜品啦!又潤又清香。   材料: 薰衣草 2g 蜂蜜 2茶匙 鮮奶 250ml   做法: 1.先將薰衣草洗淨放入茶壺 2.加入鮮奶,等10分鐘讓薰衣草味更濃郁。 3.將蜜糖倒入杯中。 4.最後將鮮奶與蜜糖攪勻,完成!   你或有興趣的文章: 原汁原味 咖喱醬DIY 【1分鐘烹飪教室】蒸魚至醒法  
2018-10-30,週二
可以整定一大瓶,炒菜燜肉都得架!   材料: 辣椒乾 8克 乾蔥頭 170克 香茅 2枝 黃薑 45克 石律粒 26克 西子 28克   做法: 1.先將西子炒至微黃。 2.將香茅、辣椒乾,黃薑切粒。 3.再將材料逐樣放入攪拌機攪勻。 4.將所有材料放入油鑊爆香,炒約10分鐘即成。   你或有興趣的文章: 蓮藕餅簡易食譜 醒胃檸檬雞扒食譜  
2018-10-30,週二
有冇諗過港式肉醬煎蛋飯、洋蔥豬扒飯,有一日會變成漢堡包?嗰日咪就係10月26日囉!因為麥當勞聯乘謝霆鋒,以「My Taste of Hong Kong」為設計概念,明天將推出極具香港情懷嘅新品,包括「鋒味安格斯・煎蛋肉醬飽」。 據聞鋒經常响片場食肉醬煎蛋飯,於是佢就設計左「鋒味安格斯・煎蛋肉醬飽」呢款新口味,選用來自澳洲/烏拉圭牛味香濃的130克特厚安格斯牛肉,配上煎蛋、肉醬、軟滑白芝士、羅馬生菜,肉質鬆軟Juicy,啖啖滿足!同步推出給Shake Shake薯條嘅「鋒味港式燒味風味調味粉」、盛載住霆鋒兒時回憶嘅「鋒味橙汁雜飲」,又有漢堡、薯條,又有特飲,為你準備左成set套餐嘞!講到港式,點可以冇奶茶,所以記得試埋「鋒味曲奇奶茶麥旋風」,港式奶茶醬配雲呢拿味新地,再加入「鋒味曲奇」,香甜幼滑。 未完!11月20日再有新品推出。呢款「鋒味洋蔥吉列豬扒飽」,由大家熟悉嘅洋蔥豬扒飯改良而成,其他材料包括吉列豬扒、炸洋蔥碎、炒洋葱、芝士、酸甜沙律醬,非常足料。同一時間會推出微辣「鋒味避風塘炒蟹味調味粉」及「鋒味菠蘿冰」,記得試勻晒呀!   你或有興趣的文章: 雲霧壽司拼盤 抵食有仙氣 分享食譜 送過萬元獎品  
2018-10-25,週四