平衡,是印度養生科學阿育吠陀的關鍵詞之一。每個人生下來的體質屬性不同,但相同的是大家都想找到身體和精神層面的內外平衡狀態,這讓身心愉快、健康,以及免受病痛折磨,人生滿希望。由淺入深,就以簡單的煲水及飲水方法,來解釋印度養生中平衡之道。

 

  •  

自製能量平衡水

要製作風、火、水三種生命能量特質平衡的溫水並不難。首先,盛在杯子裡的開水當然是水元素主導,而開火燒熱水至沸點,就有助增加火元素的能量,繼續讓水維持沸騰狀態一會兒,有助令風的能量增加,結果,便能達致三種能量平衡。

 

做法:
1.以大火將一壺水加熱。

2.煮沸後,揭開壺蓋,一邊開著抽風機或抽油煙機,讓水蒸氣上升。同一時間將爐火轉為中火,以便熱水在沸騰狀態中冒出氣泡,咕嚕咕嚕作響,維持約10至15分鐘,熄火。

3.將沸水倒進杯子裡,放涼至攝氏50至60度之間,便是最適合飲用的溫度。建議倒進保溫瓶裡,以便維持溫度,全壺水要當天飲用完畢。

 

小貼士:
由於阿育吠陀重視消化系統運作暢順與否,所以一向不建議飲冰凍飲品,以免減弱體內消化之火Agni。不過每天喝這種平衡能量的溫水不宜超過4杯,以免腸道養分流失,身體反變虛弱。

滋陰飲水法

1.別一飲而盡
為免造成對腸胃的負擔,飲水不宜大口大口地灌進體內,而是逐小口逐小口地啜飲。從今以後也請特別記住,胃也是需要呵護!

2.10分鐘飲杯水
請以品茗或者嘆葡萄酒、香檳等的心情飲水。每天早上起床梳洗後,花5至10分鐘慢慢喝完一杯大約150毫升的能量平衡溫水,以喚醒身心,能促進排便、暖化腸胃,預備好稍後消化食物的工作。這亦意味著,提早起床,以不趕忙的從容心態,完成這些早晨的養生程序。

補充課:
阿育吠陀認為人的體質由:Vata之風、Pitta之火、Kapha之水3種生命能量特性,組合成各種體質類型。合起來稱為Tridosha ,梵文中Tri是三,Dosha就是上述三者的統稱,但坊間沒有共識的中文名,且稱之特質。

這三者在每個人身體和精神層面的比例多或少各不同,想知自己體質的請Click這裡做個簡單小測驗

由此衍生出體質類型可以有10種,包括其中一種比例上多於其餘兩者很多的單一型:風、火、水;以及其中兩種比另一種多的雙重型:風火、火風、火水、水火、風水、水風;及最後一種:三者比例均等的三重型。

Stephanie

曾是飲食和旅遊記者,目前教瑜伽及寫字謀生。兩次去印度再做寄宿生,進修瑜伽之餘喜歡流漣學校飯堂,從而得知印度菜不止得咖喱,開心大發現是認識印度養生醫學阿育吠陀,想吃得健康吃出美,可由此入手。

facebook: 我的印度學習筆記 Reflections on Yoga

blog: http://yogastephanie.blogspot.it/

e-max.it: your social media marketing partner
豬潤可補血,菠菜又含豐富鐵質,營養靚粥,街都未必食到! 材料: 白米 半杯 豬潤 150g 菠菜 半斤   做法: 1.豬潤切片,快炒後撈起備用。 2.將豬潤加入白粥。 3.將菠菜放入鍋裡拌勻至腍身。完成!   你或有興趣的文章: 10分鐘 春卷皮變粟米撻 自家煮 香蔥紅棗魚柳  
2018-11-14,週三
東京控一定對「梅丘壽司の美登利」唔陌生,其主打平價高質的壽司,深受旅客及本地人愛戴。最近這家名店已進駐旺角雅蘭中心,為海外首間分店,仲專誠委派了在東京店工作了11年的日藉師傅望月美男坐鎮,帶來超過80款壽司和手卷等,款式選擇勁多。這裏絕大部分材料由日本直送,如選用山形縣産米、瀬戸内産的紫菜、連玉子燒都係直接由總店直送到港!必試足足有10吋長的元祖原條穴子壽司、瀉到一碟都係嘅特盛筋子和大赤海老等等。價錢方面,由最平$10吞拿魚筋起,最貴的極上海膽才$78,性價比高,抵食!   梅丘壽司の美登利 地址:旺角彌敦道639號雅蘭中心2樓202號 電話:3571 9018   你或有興趣的文章: Yummy!大坑滑蛋菠蘿包 $200星期六日酒店食Buffet!  
2018-11-12,週一
春卷皮幾好用架!做撻皮相當唔錯,放上餡料同焗,又薄又夠脆!   材料: 春卷皮、香腸、番茄醬、粟米、油 做法: 1.香腸切粒。 2.在焗模上掃油。 3.放上春卷皮。 4.加入香腸、番茄醬及粟米。 5.按喜好加入芝士。   你或有興趣的文章: 自家煮 香蔥紅棗魚柳 對抗秋燥 薰衣草蜜糖鮮奶食譜  
2018-11-09,週五
魚柳啖啖肉,用黎炸的確好味,其實中式煮法以薑蔥蒸熟都唔錯架,加紅棗同蒸可以食埋添,補氣血!   你或有興趣的文章: So脆!蜜糖燕麥脆餅DIY $200星期六日酒店食Buffet! Yummy!大坑滑蛋菠蘿包    
2018-11-07,週三
位於大坑嘅順興車仔麵大牌檔,經常爆場,佢個滑蛋菠蘿包又真係好吸引,大大個配滑蛋,色香味美。   順興車仔麵大牌檔 地址:大坑京街第一巷 電話:2576 6577   你或有興趣的文章: $200星期六日酒店食Buffet! 聖誕美食市集 4米高泰迪熊坐陣  
2018-11-06,週二
好多朋友一聽麥皮就嗌唔好食,將佢整成脆餅,甜蜜又鬆脆,不知幾好味!   材料: 大燕麥片 180g 雞蛋 1顆 蜜糖漿 30ml 牛油 130g 砂糖 80g 中筋麵粉 140g 泡打粉 1/2茶匙 鹽 少許   做法: 1.將燕麥片放入已預熱200度的烤盤約10分鐘,取出備用。 2.將糖和奶油拌勻,加入雞蛋再拌勻。 3.麵粉過篩加入,再加入鹽、泡打粉,拌勻。 4.加入蜜糖漿和已烤好的大燕麥片,拌勻。 5.把麵團輕壓成扁圓形,放入200度焗爐10分鐘,表面金黃色即可。   你或有興趣的文章: 醒胃檸檬雞扒食譜 【1分鐘烹飪教室】蒸魚至醒法  
2018-11-06,週二
星期六、日總係想訓晏啲,放心,遲起的鳥兒一樣有蟲吃!如心海景酒店暨會議中心的Café Circles,推出「自助晏啲食 」Lunch Buffet,每位$200就食到酒店自助餐,仲平過第一輪自助餐$88,加埋指定信用卡85折優惠,分分鐘唔使$200添。自助餐有齊魚生、海鮮冷盤、多款熱辣辣菜式,以及即煮Live Counter,甜品更加唔少得,$200放假食足兩小時Buffet,爽呀!   「自助晏啲食 」自助午餐 供應日期:逢星期六、日及公眾假期 供應時間:下午1:30-3:30 價錢:每位 $200 (成人、長者及小童同價,另收加一) 地址:荃灣楊屋道8號如心海景酒店暨會議中心9樓 電話:2280 2868   你或有興趣的文章: 聖誕美食市集 4米高泰迪熊坐陣 海洋公園食住玩 全新酒店食Buffet!  
2018-11-02,週五
商場開始飄出聖誕味嘞!好似九龍灣德福廣場,今年有全球首隻4米高毛毛國王泰迪熊坐陣,配合好多德國美食,打造成「泰迪熊聖誕市集」,活動至2019年1月1日,唔好錯過影相打卡同品嚐特色美食嘅好機會呀。   德福廣場「泰迪熊聖誕市集」 日期:2018年月11月5日(星期一)至2019年1月1日(星期二) 時間:早上11時至晚上9時 地點:九龍灣德福廣場一期中央展場 德福廣場「Steiff泰迪熊展覽」 時間:早上11時至晚上9時 地點:九龍灣德福廣場二期中庭   你或有興趣的文章: 海洋公園食住玩 全新酒店食Buffet! 旺角即炸三色薯條  
2018-11-02,週五
以後去海洋公園唔只玩,仲可以住酒店同食Buffet!因為香港海洋公園萬豪酒店正式開幕嘞,有天橋直駁海洋公園,又响港鐵站隔離,真係好方便。住到酒店主題房當然開心,只係黎參觀、開餐,一樣係好選擇。酒店內有四間餐廳酒吧,又將會有個高16米、跨越3層嘅圓柱形水族館,玩完黎食,食完去參觀,之後住一晚,玩兩日一夜不是夢呀! 酒店內分別有供應自助餐嘅「海灣餐廳」、主打順德又同時食到廣東菜嘅「南海小館」,傳統美式扒房「Prohibition扒房.酒吧」及型格「Pier酒廊及酒吧」,值得一讚係所有餐廳都用可持續發展嘅海產,同埋問有認證嘅供應商購入本地養殖嘅海產,非常有心架!特別推介「海灣餐廳」,黎呢度食自助餐好多高質美食,包括米芝蓮叉燒、海鮮冷盤、日本黎嘅刺身、足料燉湯,加上地方闊落,唔錯!   海灣餐廳 地址︰黃竹坑道 180 號香港海洋公園萬豪酒店地下 電話︰3555 1700 營業時間︰6:30am-11pm 收費︰ 午市自助餐:成人$338 起、小童 $218 起(設加一) 晚市自助餐:成人 $598 起、小童 $378 起(設加一) 酒店官網     你或有興趣的文章: 旺角即炸三色薯條 嚐一口幸福Pancake 日本人氣店抵港  
2018-11-01,週四
最近天氣相當乾燥,用蜜糖整呢款甜品啦!又潤又清香。   材料: 薰衣草 2g 蜂蜜 2茶匙 鮮奶 250ml   做法: 1.先將薰衣草洗淨放入茶壺 2.加入鮮奶,等10分鐘讓薰衣草味更濃郁。 3.將蜜糖倒入杯中。 4.最後將鮮奶與蜜糖攪勻,完成!   你或有興趣的文章: 原汁原味 咖喱醬DIY 【1分鐘烹飪教室】蒸魚至醒法  
2018-10-30,週二
可以整定一大瓶,炒菜燜肉都得架!   材料: 辣椒乾 8克 乾蔥頭 170克 香茅 2枝 黃薑 45克 石律粒 26克 西子 28克   做法: 1.先將西子炒至微黃。 2.將香茅、辣椒乾,黃薑切粒。 3.再將材料逐樣放入攪拌機攪勻。 4.將所有材料放入油鑊爆香,炒約10分鐘即成。   你或有興趣的文章: 蓮藕餅簡易食譜 醒胃檸檬雞扒食譜  
2018-10-30,週二
有冇諗過港式肉醬煎蛋飯、洋蔥豬扒飯,有一日會變成漢堡包?嗰日咪就係10月26日囉!因為麥當勞聯乘謝霆鋒,以「My Taste of Hong Kong」為設計概念,明天將推出極具香港情懷嘅新品,包括「鋒味安格斯・煎蛋肉醬飽」。 據聞鋒經常响片場食肉醬煎蛋飯,於是佢就設計左「鋒味安格斯・煎蛋肉醬飽」呢款新口味,選用來自澳洲/烏拉圭牛味香濃的130克特厚安格斯牛肉,配上煎蛋、肉醬、軟滑白芝士、羅馬生菜,肉質鬆軟Juicy,啖啖滿足!同步推出給Shake Shake薯條嘅「鋒味港式燒味風味調味粉」、盛載住霆鋒兒時回憶嘅「鋒味橙汁雜飲」,又有漢堡、薯條,又有特飲,為你準備左成set套餐嘞!講到港式,點可以冇奶茶,所以記得試埋「鋒味曲奇奶茶麥旋風」,港式奶茶醬配雲呢拿味新地,再加入「鋒味曲奇」,香甜幼滑。 未完!11月20日再有新品推出。呢款「鋒味洋蔥吉列豬扒飽」,由大家熟悉嘅洋蔥豬扒飯改良而成,其他材料包括吉列豬扒、炸洋蔥碎、炒洋葱、芝士、酸甜沙律醬,非常足料。同一時間會推出微辣「鋒味避風塘炒蟹味調味粉」及「鋒味菠蘿冰」,記得試勻晒呀!   你或有興趣的文章: 雲霧壽司拼盤 抵食有仙氣 分享食譜 送過萬元獎品  
2018-10-25,週四