聞西

任職金融界的美食達人、作家。給單身人士的晚餐食譜,教你一個人,也要好好食,好好愛自己。

成世人去咗台灣幾多次,數數手指都超過三十次喇,點解去得咁密?好多朋友都以為我牛郎匯織女/仔,鬼馬香港嗌單身,去到台灣就甜甜蜜蜜,我都想,不過唔係咁囉!

實情係十幾年前已經愛上了台灣嘅味道,尤其係古早味!或者因為台灣業主比香港嗰班食人唔Lur骨嘅收租佬有人性,好多食店都可以一代傳承一代咁經營落去,食客又唔會貪新忘舊。

好似我咁,每次去台北都必定要去食元之寶半筋半肉牛肉麵、老黃炸雞排飯、楊氏排骨麵等,就係咁食咗十幾年喇!好有感情!
 
同泰國一樣,台灣都有好多街頭小食攤檔,市民有口福之餘,個體戶又可以自力更新。
地方可能有少少污糟,不過都接受到!反觀我哋嘅香港,乜鬼街頭小販都禁嗮,條街又唔見得好乾淨,成個城市無嗮特色,夜市喺咩嚟㗎?美食天堂個屁啦!
 
仲有一樣台灣有香港冇嘅係便利店美食,唔計超高水準嘅冷藏食品,寒冬季節居然有現烤番薯,同埋熱辣辣嘅關東煮。二十四小時隨時候命醫肚,你話幾幸福呢!
 

好想食關東煮呀,最衰香港7仔無!正宗嘅我唔識煮,今次我用亂嚟方法做呢個疑似關東煮,大家又不妨試試啦!

【材料】

其實都幾適隨尊便,不過一定要有大根,即係蘿蔔,同埋獅子狗卷魚餅等日式麵粉美食。至於調味,我就用咗日本隔離嘅韓國辣醬同麵豉醬,仲有香港代表蠔油同生抽,唔正宗?你去日本食啦~

白蘿蔔 1/2條(300克)
小甘筍 1條(100克)
雞肶菇  2隻(150克)
已浸發香菇(切件) 4隻
迷你獅子狗卷 適量
白肉魚餅 適量
薑 3片
蒜頭(切幼粒) 3粒
乾蔥頭(切片) 1粒
芫茜 1棵

【材料】

韓國辣醬 2茶匙
韓國麵豉醬 2茶匙
蠔油 1茶匙
生抽 1茶匙
冰糖 15克
胡椒粉 少許

【做法】

1.雞肶菇切厚片,一邊鎅十字花,平底煎鑊不用下油,直接放雞肶菇,煎至金黃色盛起,備用。

2.白蘿蔔、小甘筍切件,記得唔好太大件呀。

3.易潔小鍋中火燒熱,下油落薑片、蒜頭、乾蔥頭爆香。

4.再落白蘿蔔、小甘筍及香菇炒香。

5.落調味料繼續炒勻。

6.雞肶菇好容易出水,所以留待最後先放。

7.落雞肶菇後再炒一陣,便可加入清水至材料表面,加蓋煮至滾起,轉細火。

8.燜煮15分鐘後,可加入迷你獅子狗卷及白肉魚餅,再煮5分鐘,然後熄火,焗10分鐘便可上碟喇。食之前記得落芫茜呀!因為要扮關東煮,所以我唔會打芡囉,話你知,配杯麵真係一流㗎!

 

你或有興趣的聞西食譜:【單身食錄】蝦米腸變翡翠白玉卷

想睇更多聞西食譜,可點撃這裡

你或有興趣的其他精選煮題:夠薑食譜、強筋骨湯水、健康特飲

 

e-max.it: your social media marketing partner
材料: 紅蘋果 1個 麵包 2片 果醬 1瓶 薄荷葉  少量   做法: 1. 按壓麵包中間部分,令它出現凹位。 2. 塗上喜歡的果醬。 3. 另一片麵包切去中間部分。 4. 疊到剛塗上果醬的麵包上。 5. 蘋果去芯,再切成薄片,越薄越好。 7. 蘋果片用微波爐高溫叮一分鐘,令其軟化。 8. 蘋果片一片疊一片排好,每朵花需8至10片。 9. 從右邊開始向左邊捲去,捲成花形。 10. 捲好後把蘋果花置麵包中,每排3朵。 11. 最後加上薄荷葉裝飾。   你或有興趣的文章: 發財豬手 極速完成 雞翼除雪氣Step By Step  
2018-02-22,週四
營養師芷欣認為,不吃蛋黃以降低膽固醇這說法是正確的,因為原則上膽固醇都在蛋黃內。又不過美國已證實,人體膽固醇和食物攝取的膽固醇並無直接關係,所以就算不吃蛋黃,也不等於完全沒有高膽固醇的問題。而且雞蛋營養豐富,膽固醇雖然高,但脂肪比較低,所以對於血管內的膽固醇含量,影響不會太大,一日食一隻都沒問題!   你或有興趣的文章: 是日好餸 茼蒿炒豆腐 食粥瘦身掂唔掂?  
2018-02-21,週三
myCOOKey首次同香港黃金海岸酒店合作,開辦復活節立體Cupcake教室,由糕餅總廚李雪峰師傅親自教大家製作小雞同兔仔Cupcake。同學仔仲可以嘆埋個下午茶自助餐,快啲報名啦,二人同行更加抵呀!報名接此:復活節立體Cupcake教室 【復活節立體Cupcake教室】 日期:2018年3月18日(星期日) 時間:1:45pm - 5:30pm(用餐時間於3:00pm開始) 地址:屯門黃金海岸青山公路青山灣段1號 *酒店專車時間表(自費):http://bit.ly/2ojUZof 人數:10人(學員每人一份材料實習、大小同價) 學費: myCOOKey優惠價$450/位、二人或以上$420/位 原價:$600/位 立即報名:http://bit.ly/031818class 今次教大家製作復活節立體Cupcake嘅係糕餅總廚李雪峰師傅,入行超過30年,同時响香港黃金海岸酒店餅房任職多年。曾推出多款受賓客喜愛嘅甜點,亦包辦酒店各類西式甜點製作,經驗豐富。 跟名師學整Cupcake之餘,梗係要去埋環境開揚嘅聆渢咖啡廳,享用下午茶自助餐,餐廳既有室內位,亦設有露天池畔雅座。屆時可以品嚐到唔同款式嘅冷盤、熱葷、冰鎮海鮮同甜點,推介美食包括黃金蝦、芝士帆立貝焗薯蓉、日式牛仔骨、60%朱古力蛋糕等。(菜式輪流供應) 復活節立體Cupcake教室,報名按此:http://bit.ly/031818class   你或有興趣的文章: 更多myCOOKey烹飪班資訊 絕美成都菜 辣得好溫柔 古早味肉燥飯 觀塘有得食  
2018-02-21,週三
除雪味貼士: 1.將已解凍及清洗的雞翼開邊 2.用雞粉醃3至5分鐘後沖水 3.即可去除雪味 4.再用廚紙吸乾水份 製作蜜糖雞翼: 1.加老抽、生抽、黃糖、黑椒、米酒 2.拌勻醃15分鐘 3.調細火慢慢煎至熟透 4.最後加蜜糖炒勻   你或有興趣的文章: 3種材料 甘梅地瓜條DIY 【賀年新煮流】甘筍蓮藕八寶素湯食譜  
2018-02-20,週二
唔使擔心新年啲鋪唔開喎,海港城有好吃好逛等住你!即日起至2月25日,正值年度大型活動「情.尋朱古力」舉辦期間,大家可以响今年首設嘅「朱古力Tasting Bar」,品試到9個第一次進駐香港嘅朱古力品牌,其中4個攞過國際朱古力大獎架!除左「朱古力Tasting Bar」,仲有其他16個參與品牌,有多達65款朱古力同甜品美食可以自行挑選品味! 品牌包括:採用最上乘及非常稀有可可製作、世界上最貴的Bean to Bar朱古力品牌To'ak Chocolate(厄瓜多爾)、以清酒朱古力為主打產品之一的Bean to Bar朱古力品牌Palet D'or(日本)、 Fuwan Chocolate(台灣)、Hotel Chocolat、i CREMERiA等。   「朱古力通行証」銷售及換領處 時間:12pm–8pm 地點:1) 海港城港威商場地下大堂I       2) 海港城海洋中心三階(近OC312號舖 – Leonidas) 價錢:HK$240,內附12個「Tasting Token」可作品嚐朱古力用。另送田中達也期間限定指定精品一份。 備註:只接受現金 *數量有限,售完或換完即止。 唔單只食架,大家仲可以响場內睇到日本著名微型作品設計師田中達也嘅「mini CHOCOllection」全新個人展,展品中仲加入左香港元素,精緻又有親切感!只要即場捐款,即可透過「CHOCOllection照相館」化身成「微型人」,融入田中先生嘅微型場景並拍照留念。   「CHOCOllection照相館」及期間限定店詳情 時間:12nn–8pm 地點:海港城港威商場大堂I 參加方法:捐款HK$40予香港血癌基金,即可參加並獲得包括自己微型照片的CHOCOllection貼紙乙張。 備註:只接受現金   你或有興趣的文章: O-ASIS和風雜貨店 怒食狂掃滋味行 絕美成都菜 辣得好溫柔    
2018-02-12,週一
過年坊間餐廳都未必開,不如响屋企DIY啦!好似呢款地瓜條,炸完又甜又腍,配梅子粉食,都幾有台灣夜市風味架! 材料: 地瓜、中筋麵粉、蕃薯粉 做法: 1. 先將地瓜切粗條。 2. 加入2茶匙蕃薯粉。 3. 再加入1茶匙中筋麵粉。 4. 加適量清水,將所有材料拌勻。 5. 燒熱油,加入地瓜條炸熟。 6. 撒上梅子粉即成。   你或有興趣的文章: 【1分鐘烹飪教室】雞胸肉軟滑小貼士 免焗朱古力凍餅 情人節簡易DIY    
2018-02-09,週五
裝修充滿日式風味嘅黑木堂,真係好多抵食嘢!例如$48,可以食到滿滿嘅三文魚飯。肥美三色卷3大件,只售$58。另外刺身Set內有5款刺身,每款兩件,售$98。餐廳不時推出優惠大割引,好似最近有消費滿$100,可以用優惠價享用指定美食,好似海鹽燒鯖魚(特價$32)、醬燒廣島蠔($特價$48),另有三文魚頭、原板馬糞海膽、三文魚刺身等,歡迎隨時向店家查詢。   黑木堂 地址:大角咀富多來商場二期鐵樹街28號地鋪 電話:3483-3700   你或有興趣的文章: 古早味肉燥飯 觀塘有得食 O-ASIS和風雜貨店 怒食狂掃滋味行  
2018-02-09,週五
材料: 消化餅 200克 朱古力 300克 牛油 60克 淡忌廉 200毫升 做法: 1.牛油用熱水坐溶。 2.牛油與消化餅碎拌勻。 3.將混合物倒進蛋糕模中。 4.壓實成為餅底。 5.放進冰箱冷藏30分鐘。 6.淡忌廉煮熱,熄火後加入朱古力攪拌至溶化。 7.取出餅底,倒入朱古力漿。 8.再放進冰箱冷藏2小時,完成。   你或有興趣的文章: 低糖紅棗糕 帝苑酒店名廚教你DIY 飲水超標 愈飲愈攰  
2018-02-08,週四
映水芙蓉主打賣相精緻的成都菜,菜式講求麻香辣香,特點是辣得溫和,同時混雜香料的獨特芳香,為坊間較少見。招牌菜式包括崇州沖沖卷、酸漬熗腰片、大珠小珠落玉盤、核桃沙律釀小番茄、千絲西葫蘆、黑松露南瓜蒸溫泉蛋等等。當中最特別的是招牌蝦膏泡瀘沽湖紅米飯,用上四川瀘沽湖的特產──紅米及湖蝦,兩者粒粒分明兼富口感,配上以烤過的蝦、蝦膏等熬製十多個小時的金黃湯底,湯鮮味濃。  還有一道四川傳統菜式叫敲糖棒棒雞,賣相非常吸睛。最特別是加入北京「吹糖人」的技藝,將成都二荊條、成都中椒、貴州貴頭、貴州子彈頭及小米辣調配而成的紅油裹在糖皮球中,敲破後,糖衣有助減輕辣度,令雞肉更添滋味。 映水芙蓉 地址:尖沙咀廣東道海港城海運大廈OTE201店 電話:2388 2008   你或有興趣的文章: O-ASIS和風雜貨店 怒食狂掃滋味行 古早味肉燥飯 觀塘有得食  
2018-02-06,週二
平日要煲幾小時嘅老火湯,而家一個小時左右就有得嘆嘞,因為有「迷你智能高速煲」幫手!而家推出新春大優惠,原價HK$1,099嘅「迷你智能高速煲」,只售HK$698,如欲購買:按此 迷你智能高速煲 優點特多: 具備8種煮食功能 可預設完成時間 自動保溫 自選口感 省時慳電 如欲購買:按此 甘筍蓮藕八寶素湯 材料: 蓮藕 350克 細甘筍 1條 芡實 15克 眉豆 25克 花生 30克 腰果 35克 細粟米 1條 無花果 2粒 去皮栗子 8粒 陳皮(浸軟去瓤) 1/4角 蜜棗 1粒 薑 2片 清水 1公升 鹽 適量 做法: 1. 蓮藕、甘筍、粟米切小塊。 2. 芡實、眉豆、花生、腰果洗淨。 3. 清水及所有材料,放進智能高速煲內膽。 4. 內膽放回煲內,鎖上外蓋,確保排氣閥置於密封位置。 5. 轉動操作旋鈕,選擇PORRIDGE/SOUP功能。 6. 按Menu鍵,再轉動操作旋鈕選擇RICH口感。 7.按PRESET TIMER鍵,利用操作旋鈕,預設1小時30分鐘後為完成時間。 8. 按下操作旋鈕開始預設程序。 9. 期間LED色彩顯示屏,會透過長條小格顯示煮食進度。 10. 煲湯程序完成後,迷你智能高速煲自動開始保溫功能。 11. 按CANCEL鍵,將排氣閥置於開啟位置,待排氣程序完成,打開煲蓋。 12. 下鹽調味,即可品嚐。 有興趣以myCOOKey優惠價購買「迷你智能高速煲」嘅朋友,可以Click入:buy.mycookey.com   你或有興趣的文章: 【賀年新煮流】發財豬手 極速完成 麥芽糖脆皮豬手食譜 【新煮流】抹茶藜麥果仁燕麥曲奇  
2018-02-06,週二
「迷你智能高速煲」煮飯煲湯燜餸樣樣精,平日要燜幾粒鐘嘅菜式,一個小時左右就有得嘆嘞!立即購買:按此 迷你智能高速煲 優點特多: 具備8種煮食功能 可預設完成時間 自動保溫 自選口感 省時慳電 如欲購買:按此 發財豬手 材料: 急凍豬手件 600克 冬菇 10隻 髮菜(浸軟) 20克 生菜 1個 清湯 1公升 蒜頭 4粒 薑 4片 蔥 2條 油 2湯匙 紹興酒 2湯匙 蠔油 2湯匙 糖 2茶匙 芡汁: 生粉水 適量 鹽 適量 做法: 1. 髮菜浸於水中,下油拌勻後澀乾水。 2. 已汆水豬手用清水洗淨。 3. 將冬菇及已爆香的豬手,放進迷你智能高速煲內膽。 4. 內膽放回煲內,鎖上外蓋,確保排氣閥置於密封位置。 5. 轉動操作旋鈕,選擇 BEAN/TENDON 功能。 6. 按Menu鍵,再轉動操作旋鈕選擇RICH口感。 7. 按下操作旋鈕開始烹煮。 8. 期間LED色彩顯示屏,會透過長條小格顯示煮食進度。 9. 完成烹煮,迷你智能高速煲自動開始保溫功能。 10. 按CANCEL鍵,將排氣閥置於開啟位置,待排氣程序完成,打開煲蓋。 11. 加入髮菜,轉動操作旋鈕選擇STEAM功能,按下操作旋鈕加熱約10分鐘。 12. 已焯熟生菜鋪碟上,放上豬手、髮菜及冬菇。 13. 醬汁內加鹽及生粉水埋芡,淋於豬手面。 有興趣以myCOOKey優惠價購買「迷你智能高速煲」嘅朋友,可以Click入:buy.mycookey.com   你或有興趣的文章: 麥芽糖脆皮豬手食譜 【新煮流】抹茶藜麥果仁燕麥曲奇  
2018-02-08,週四
就算唔係小王子迷,睇到咁靚嘅包裝,都忍唔住嘩嘩聲。講緊小王子限量禮盒呀!有3款唔同設計,精美又得體,農曆新年將至,買定黎拜年最適合不過。 第一款介紹俾大家,係小手袋咁嘅朱古力禮盒,內藏滑溜牛奶朱古力。拎開盒面小王子貼紙,可以放自己相變成相架,好實用喎!設計到好似手提箱咁嘅Gavottes X 小王子限量版法式原味薄脆手提箱,亦相當養眼。用小王子同其他主要人物作為裝飾,一打開盒蓋就見到嘞!金黃色外盒內,有24包薄脆,成箱金條咁送俾人,收禮物嘅一定開心啦!第三款係雲呢拿餅乾紀念禮罐,盒面有7個靚靚磁石貼,配搭12小包雲呢拿忌廉餅,配Coffee、Tea一流! 小王子限量禮盒,現於各大超市及百貨公司有售嘞!Gavottes X 小王子限量版法式原味薄脆手提箱,則於海港城「情。尋朱古力」2018活動有售。   你或有興趣的文章: 台北過江龍 麻神明星火鍋店 紅粉緋緋 浪漫All Pink情人節晚餐  
2018-02-06,週二