聞西

任職金融界的美食達人、作家。給單身人士的晚餐食譜,教你一個人,也要好好食,好好愛自己。

成世人去咗台灣幾多次,數數手指都超過三十次喇,點解去得咁密?好多朋友都以為我牛郎匯織女/仔,鬼馬香港嗌單身,去到台灣就甜甜蜜蜜,我都想,不過唔係咁囉!

實情係十幾年前已經愛上了台灣嘅味道,尤其係古早味!或者因為台灣業主比香港嗰班食人唔Lur骨嘅收租佬有人性,好多食店都可以一代傳承一代咁經營落去,食客又唔會貪新忘舊。

好似我咁,每次去台北都必定要去食元之寶半筋半肉牛肉麵、老黃炸雞排飯、楊氏排骨麵等,就係咁食咗十幾年喇!好有感情!
 
同泰國一樣,台灣都有好多街頭小食攤檔,市民有口福之餘,個體戶又可以自力更新。
地方可能有少少污糟,不過都接受到!反觀我哋嘅香港,乜鬼街頭小販都禁嗮,條街又唔見得好乾淨,成個城市無嗮特色,夜市喺咩嚟㗎?美食天堂個屁啦!
 
仲有一樣台灣有香港冇嘅係便利店美食,唔計超高水準嘅冷藏食品,寒冬季節居然有現烤番薯,同埋熱辣辣嘅關東煮。二十四小時隨時候命醫肚,你話幾幸福呢!
 

好想食關東煮呀,最衰香港7仔無!正宗嘅我唔識煮,今次我用亂嚟方法做呢個疑似關東煮,大家又不妨試試啦!

【材料】

其實都幾適隨尊便,不過一定要有大根,即係蘿蔔,同埋獅子狗卷魚餅等日式麵粉美食。至於調味,我就用咗日本隔離嘅韓國辣醬同麵豉醬,仲有香港代表蠔油同生抽,唔正宗?你去日本食啦~

白蘿蔔 1/2條(300克)
小甘筍 1條(100克)
雞肶菇  2隻(150克)
已浸發香菇(切件) 4隻
迷你獅子狗卷 適量
白肉魚餅 適量
薑 3片
蒜頭(切幼粒) 3粒
乾蔥頭(切片) 1粒
芫茜 1棵

【材料】

韓國辣醬 2茶匙
韓國麵豉醬 2茶匙
蠔油 1茶匙
生抽 1茶匙
冰糖 15克
胡椒粉 少許

【做法】

1.雞肶菇切厚片,一邊鎅十字花,平底煎鑊不用下油,直接放雞肶菇,煎至金黃色盛起,備用。

2.白蘿蔔、小甘筍切件,記得唔好太大件呀。

3.易潔小鍋中火燒熱,下油落薑片、蒜頭、乾蔥頭爆香。

4.再落白蘿蔔、小甘筍及香菇炒香。

5.落調味料繼續炒勻。

6.雞肶菇好容易出水,所以留待最後先放。

7.落雞肶菇後再炒一陣,便可加入清水至材料表面,加蓋煮至滾起,轉細火。

8.燜煮15分鐘後,可加入迷你獅子狗卷及白肉魚餅,再煮5分鐘,然後熄火,焗10分鐘便可上碟喇。食之前記得落芫茜呀!因為要扮關東煮,所以我唔會打芡囉,話你知,配杯麵真係一流㗎!

 

你或有興趣的聞西食譜:【單身食錄】蝦米腸變翡翠白玉卷

想睇更多聞西食譜,可點撃這裡

你或有興趣的其他精選煮題:夠薑食譜、強筋骨湯水、健康特飲

 

e-max.it: your social media marketing partner
myCOOKey又有超級優惠介紹俾大家,就係去銅鑼灣香港珀麗酒店,或者大角咀九龍珀麗酒店嘆「味歷亞洲」海鮮自助晚餐,只要訂位時講「mycookey」呢個優惠碼,就可以用$288享用原價$368起嘅自助晚餐。用優惠碼預先訂座或即晚黎享用都歡迎,仲要免加一,星期一至日都係呢個價! 「味歷亞洲」海鮮自助晚餐除左價錢,食物都相當吸引!重點推介英國麵包蟹、北海道鱈場蟹腳、日本鮑魚同澳洲藍青口及大蝦。親身試過麵包蟹,蟹膏豐滿,蟹肉肥美,鱈場蟹腳更加係鮮味啖啖肉仲有鮑魚。再送每位一客冰鎮日式璣煮鮑魚,以醬油同昆布慢火炆煮,鮮嫩彈牙。 等等!仲有好多菜式推介比大家,包括泰國代表「龍蝦冬蔭功」,夏天有呢嗰酸辣冬蔭功菜式品嚐,胃口大開啦。又或者「砂鍋螺頭雲吞雞」,原隻鮮雞、響螺頭同金華火腿熬燉成湯,再經6小時烹調,好鮮甜。喜歡香辣口味嘅朋友,記得試埋「XO醬炒蘿蔔糕」,用自家秘製XO醬,配韓式五花肉、煙韌彈牙年糕,惹味之選。「新加坡叻沙」亦非常吸引,客人可以揀心水材料同麵條,再由廚師即叫即煮。椰子飄香,真係想食完一碗再一碗。 有興趣訂座品嚐「味歷亞洲」海鮮自助晚餐嘅朋友,記得响電話講「MYCOOKEY」優惠碼呀!即享成人$288/位、長者或小童$208/位嘅優惠,免埋加一服務費,星期一至日都得添。 「味歷亞洲」海鮮自助晚餐 供應時間:6:30pm-9:30pm myCOOKey優惠價: 星期一至日 成人$288/位、長者/小童$208/位 *免收加一服務費 *不可與餐廳其他優惠同時使用 訂座優惠密碼:mycookey 標準價: 星期一至四(公眾假期及特別日子除外) 成人$368/位、長者及小童:$238/位 星期五至日、公眾假期及其前夕 成人:$398/位、長者及小童$268/位 *另收加一服務費 地址:銅鑼灣信德街8號香港珀麗酒店2樓協奏坊西餐廳 電話:2127 8838 地址:九龍大角咀道86號九龍珀麗酒店2樓協奏坊西餐廳 電話:3919 8228   你或有興趣的文章: 2018灣仔美食博覽 $1美食晒冷 奇華 X 小丸子 開班教整奶皇月  
2018-08-15,週三
開設不同糕餅課程的奇華工作坊,推出了全新小丸子奶皇月餅班,整個工作坊會由經驗餅師教授,包括搓麵糰、製作奶皇餡料,然後擀餅皮、包餡及壓模等,烤焗完成,學員可以帶走8個小丸子奶皇月餅回家享用。課程還會送小丸子A4文件夾、小丸子行李牌、花輪行李牌及小丸子成員貼紙一套。 奇華工作坊——小丸子奶皇月餅班 學費:$600/位 名額:16人/班 課程時間:180分鐘 *另有親子班,學費$660(1位成人及1位8-12歲小童) 查詢:https://studio.keewah.com   你或有興趣的文章: 2018灣仔美食博覽 $1美食晒冷 復刻甜品屋!Hello Kitty X 滿記甜品  
2018-08-14,週二
材料: 鮭魚 適量 醬油 少許 米酒 少許 昆布 適量 柴魚 適量 綠茶 1包 白飯 1碗 作法: 1.鮭魚上淋適量醬油和米酒,醃5分鐘。 2.將鮭魚蒸熟 3.昆布放入沸水中煮熟。 4.取出昆布,柴魚片放進昆布湯煮沸。 5.綠茶包以熱水泡開。 6.白飯中加入昆布柴魚高湯及綠茶。 7.放上鮭魚,隨喜好加入海苔芝麻伴吃,完成。   你或有興趣的文章: 檸薑特飲 美白排毒聖水 養生玉米杞子米漿  
2018-08-14,週二
1995年於西貢創立首間分店的滿記甜品,一直陪伴香港人成長,繼早前與可愛的Little Twin Stars聯乘開設夢幻甜品屋後,這次再與Sanrio合作,主角就是經典的Hello Kitty,位於銅鑼灣希慎廣場的滿記甜品旗艦店,最近搖身一變成為可愛及主打懷舊風的「復刻甜品屋」,並推出期間限定主題甜品,包括雜果涼粉西瓜盅、Hello Kitty香蕉船、椰汁芒果糯米飯及雪糕菠蘿冰等,還有店外一系列Hello Kitty元素的佈置,以及設有Hello Kitty懷舊影樓,讓大家拍照打卡留念。 供應日期:即日起至1月6日 滿記甜品de Avenue  地址:銅鑼灣軒尼詩道500號希慎廣場3樓317-319號舖 滿記甜品(西貢總店) 地址:西貢普通道10號D地下   你或有興趣的文章: 2018灣仔美食博覽 $1美食晒冷 梳乎蛋Crossover七大人氣美食品牌    
2018-08-13,週一
等到嘞!第29屆的美食博覽今日開始,即係又有好多$1嘢食推出啦。年年重頭戲,都一定「公眾館」內嘅$1優惠,參展商包括安記海味、榮華餅家、鴻星酒家、四海魚蛋等,精選$1貨品包括黑松露醬、乾鮑湯包、烏龍茶、涼果、魚蛋福袋、紫蘿蔔汁、法國朱古力,有飲又有食。不過記得,好多$1優惠,都只限每日首十數名入場人士享用。 myCOOKey响同期舉行嘅「家電•家品•博覽」都有展位(Booth No.3F-A19),我哋會以低至75折發售城中熱賣嘅食譜書,例如鼎爺同Gigi姐嘅食譜、嚴浩嘅健康秘笈,記得黎搵我哋掃貨呀! 除左$1優惠,場內仲有好多正嘢食,例如黑松露生煎包、齋雞粒、藍龍蝦汁、蜂蜜冷泡咖啡等。整個美食博覽,有超過千五位參展商,大家可以於埸內試勻世界各地珍饈美饌,中西口味共冶一爐。 同期舉行嘅仲有「家電.家品.博覽」、「美與健生活博覽」及「香港國際茶展」,買家電、廚電、茶或健康食品都好方便。   美食博覽日期及時間: 8月16至19日上午10:00至晚上10:00 8月20日上午10:00至下午6:00 地點:香港會議展覽中心 網址:www.hktdc.com/hkfoodexpo   你或有興趣的文章: 梳乎蛋Crossover七大人氣美食品牌 蔡瀾開店 賣越南牛河  
2018-08-10,週五
特濃蝦汁叉燒拌麵是一幻拉麵創辦人林直樹先生特別為尖沙咀店創作的,其精髓在於以蝦頭、蝦湯、蔬菜等熬煮後,再攪碎並隔渣而成的特濃蝦汁,每一碗拌麵均以特濃蝦汁、蝦油、蒜蓉、蝦味醬油即煮後拌以粗麵,每口麵也掛滿濃濃蝦汁,再混入叉燒、麵酥、青蔥及紫菜絲,鹹鮮度適中,愛拌麵又愛蝦鮮味的你絕不能錯過。 特濃蝦汁叉燒拌麵 $88 每一碗拌麵均以特濃蝦汁、蝦油、蒜蓉、蝦味醬油即煮後拌以粗麵,粗麵較湯麵多煮一分鐘,每口麵也掛滿濃濃的蝦汁,再混入叉燒、麵酥、青蔥及紫菜絲,鹹鮮度適中。 拌麵以外,當然還有餐廳的招牌蝦湯拉麵,蝦湯湯底每天以十五公斤甜蝦熬煮而成,再加入蝦油及蝦粉,味道鮮甜。原味蝦湯以外,還有蝦湯加豚骨煮的豚骨湯底,而每款湯底又可以再選配味噌、鹽味及醬油,當中以原味蝦湯最鮮甜,配合掛汁力極佳的方角形麵條,組合天衣無縫。 為了慶祝尖沙咀新店,餐廳特別推出限量版兒童餐具禮盒,內有迷你版招牌拉麵瓷碗、湯匙、口水肩及盒裝拉麵,全球限量,售完即止。 純蝦湯鹽味粗麵 $88 湯底以秘製蝦油、豬油、蒜蓉及薑蓉爆香後加入蝦湯及調味烹煮而成,配合粗麵,還有超美味的溏心蛋、軟滑的叉燒及香脆的麵酥,風味獨特。 蝦味飯糰 $20 日本米以蝦味湯頭蒸熟及甜蝦肉粒煮成,每啖飯糰都出奇地鮮美。 一幻叉燒飯 $45 屬於日本以外的海外限定版,日式叉燒切碎、青蔥、蝦味麵酥,加入醬汁,啖啖蝦香及叉燒香,非常滋味。 北海道梳打 $38 淡淡的橙味梳打,味道不算太甜。   你或有興趣的文章: 超值!嘆足料五花豚肉飯 梳乎蛋Crossover七大人氣美食品牌    
2018-08-09,週四
myCOOKey全新推出嘅「毛孩教煮」烹飪視頻,上星期播左第一集嘞,錯過左可以Click呢度:http://bit.ly/2OegG4i。今次新一集教嘅係茅屋芝士袋鼠肉無包漢堡,賣相Cutie又吸引。加埋動物助理Sura,教大家點樣同新相識嘅狗狗相處,實用呀! 茅屋芝士袋鼠肉無包漢堡 材料: 袋鼠肉 250克 生粉 10克 燕麥 20克 雞蛋 2隻(分開蛋白) 南瓜蓉 80克 蔬菜 80克(紅燈籠椒、綠燈籠椒、甘荀) 茅屋芝士 60克(鮮奶400克,白醋1湯匙) 牛油菜 少量 蛋殻粉 少量 蘋果圈 少量 沙甸魚鬆 少許 橄欖油 少許 做法: (1) 南瓜、蔬菜切小塊,放進電鍋蒸熟。蔬菜打碎,南瓜搗成泥狀,加入蛋殻粉混合,放入雪櫃備用。 (2) 準備茅屋芝士,把牛奶放進煲內以中火煮熱,加入醋,用匙攪伴後,放置15分鐘,再用芝士布隔除多餘水份,放入雪櫃備用。 (3) 袋鼠肉切細件,放入食物處理器打成肉泥,加入生粉、燕麥、蛋白,攪拌至有黏性。取出平分12份(每份約30克),搓成肉餅。 (4) 在煎pan上放少許橄欖油,放入肉,煎2分鐘後反轉,再煎2分鐘至全熟。 (5) 把牛油菜洗淨,置碟上。把肉餅放在牛油菜上,然後放上南瓜蔬菜蓉,再放上茅屋芝士,灑上沙甸魚鬆,最後放上另一片肉餅,以蘋果乾伴碟。 Online shop: cheesendash.com IG: instagram.com/cheesendash FB: facebook.com/cheesendash   你或有興趣的文章: 【2018美食博覽自煮推介】泰式香茅豬扒配椰香飯 【新煮流】麥芽糖脆皮豬手食譜  
2018-08-15,週三
白雪雪、毛茸茸,真係好可愛呀!唔係話你,係芝士、Dash同Mimi呀!myCOOKey全新推出「毛孩教煮」烹飪視頻,頭炮有佢哋三位,教毛孩家長整賣相吸引,又富營養嘅狗狗食物。第一集教嘅沙甸魚糙米藜麥壽司,其實小編一路睇,一路留口水。仲有動物護士Sura分享同狗狗相處或者護理嘅心得,好實用架。 沙甸魚糙米藜麥壽司 材料: 沙甸魚 2條 有機糙米 60克 有機藜麥 30克 青瓜 少量 雞蛋2隻 熱水 150克 做法: (1) 有機糙米放於熱水中浸一小時,加入藜麥,用電飯煲煮熟,放涼。 (2) 沙甸魚清除頭部及內臟,保留魚骨,開邊。 (3) 在易潔煎pan內放入沙甸魚,兩邊煎至全熟。 (4) 打發雞蛋,使用易潔煎pan煎成蛋皮,放涼後切成條狀備用。 (5) 把一小匙已煮好的糙米藜麥放於保鮮紙上,用手握成壽司形狀,放上沙甸魚,以青瓜及雞蛋作裝飾。 備註:由於沙甸魚中的骨頭含有鈣質,不用另加蛋殻粉。 Online shop: cheesendash.com IG: instagram.com/cheesendash FB: facebook.com/cheesendash     你或有興趣的文章: 【2018美食博覽自煮推介】泰式香茅豬扒配椰香飯 【新煮流】麥芽糖脆皮豬手食譜  
2018-08-07,週二
Hea到爆的Gudetama梳乎蛋又來了!這次梳乎大師將會聯同新朋友「雞動哥」及「蛋黃兒」,齊襲旺角朗豪坊,陪大家過暑假! 由8月1日至9月2日,全港首個梳乎蛋美食節會登陸朗豪坊,7大人氣美食品牌會與梳乎蛋crossover,推出獨家梳乎蛋Comfort Food。包括鮮製香腸專家Gusteau's、摩登養生品牌CheckCheckCin、主打甜品的山下菓子、人氣乳酪雪糕店Smile Yogurt及欣宜的星級曲奇Homie Cookies,以及兩大朗豪坊人氣餐廳日式甜品店i Cremeria Café及香港代表滿記甜品,大部份食物也印有梳 乎蛋的圖案,可愛趣緻! Gudetama梳乎遊記最終章:梳乎美食遊 日期:2018年8月1日至9月2日 時間:上午11時至晚上11時 地點:朗豪坊4樓通天廣場     你或有興趣的文章: 【2018美食博覽自煮推介】泰式香茅豬扒配椰香飯 超值!嘆足料五花豚肉飯  
2018-08-06,週一
明明都係一隻蛋,但變成泡泡似的雲朵蛋,立即Cute晒,仲要易整喎!     你或有興趣的文章: 養生玉米杞子米漿 程介南私房菜:煙燻雞  
2018-07-27,週五
檸檬結合生薑汁泡水飲用,超級健康,可以美白、排毒,加上有豐富維他命C,可以增強抵抗力。 材料: 椰蜜 3羹 薑黃 半茶匙 檸檬 半個 開水 500ml 作法: 1.檸檬去皮,放進杯內。 2.加入生薑汁。 3.加入椰蜜及開水。 4.拌勻即可享用。   你或有興趣的文章: 養生玉米杞子米漿 【Peggy先生 快靚正料理】清甜蘋果餃子  
2018-07-25,週三
檸檬結合生薑汁泡水飲用,超級健康,可以美白、排毒,加上有豐富維他命C,可以增強抵抗力。   你或有興趣的文章: $198起 任食海鮮再送龍蝦 超值!嘆足料五花豚肉飯  
2018-07-25,週三