請入行多年兼獲獎無數的星級名廚梁輝雄師傅分享煮食秘技,當然冇難度!
今次他準備教大家:炆!牛!腩!
買靚牛腩固然重要,肥瘦有致的坑腩一向是好選擇。
另有崩沙腩,既有筋,又有肉,腍腍爽爽的,口感極佳。
至於普通牛腩,就要承擔「鞋」口的風險了。
梁師傅說,當大家炆牛腩時,不妨加適量半生熟木瓜同煲,
因為木瓜汁帶鹼性,與牛腩能產生化學作用,可令肉質更鬆更軟腍。
雪梨、洋蔥都有同樣效果,仲有果香甜味添!
梁輝雄師傅
海景嘉福酒店中菜行政總廚,曾在韓國、日本、北京等地工作,入廚經驗超過30年。擅長點心、廣東佳餚,並曾獲《米芝蓮香港澳門飲食指南》一星榮譽。
更多牛腩食譜:清湯牛腩、柱侯牛腩、紅蘿蔔燜牛腩