乾炒紅咖喱豬肉
飛天炒通菜
辣椒香草皮蛋

乾炒紅咖喱豬肉

4860
難度
15分鐘
分量 4人

簡介
曼谷道地菜,只採用紅咖喱醬(俗稱咖喱膽)入饌,此款咖喱比較乾身,色澤尚紅,不加椰奶,咖喱味道純正,食味濃郁,有別於其他咖喱類採用大量椰奶,增加香味。


材料
做法
材料
豬肉 300克
白豆角 6-10條
檸檬葉 2片
新鮮胡椒 2串
紅辣椒 1隻
蒜肉 2粒
金不換 10克
調味料
紅咖喱醬 2湯匙
魚露 1湯匙
砂糖 1茶匙
15毫升
紅咖喱醬材料
辣椒乾(大) 10隻
乾葱 5粒
蒜肉 8粒
南薑片 100克
香茅片 200克
卡菲爾青檸皮 1/2個
芫荽頭 3棵
胡椒粉 10克
蝦醬 10克
芫荽籽 10克
小茴香粉(Cumin) 10克
1/2茶匙
做法
1 紅咖喱醬製法:
2 辣椒乾去籽浸水15分鐘。
3 白鑊以慢火炒香小茴香粉和芫荽籽,回放入舂盅樁碎。
4 加入其他材料樁碎拌勻,涼凍後置雪櫃中冷藏。
5 製法:
6 豬肉洗淨,切片;白豆角洗淨切成5-6厘米長。
7 蒜肉剁碎;紅椒切片。
8 熱鑊下2湯匙油,放入蒜茸爆香,加入紅咖喱醬,傾入豬肉和白豆角。
9 注清水,下魚露和砂糖,加入新鮮胡椒串、紅椒片、檸檬葉和金不換兜勻,上碟。
貼士
沒有舂盅,可用攪拌機代替。




抗癌南瓜 教你點揀、點煮最健康
110897
專家教洗菜 除蟲除農藥
50246
女士必睇!5大食物調整荷爾蒙
174652
動手整!炸出嫩滑鮮奶
100843
5大安眠茶 養心好氣色
135422

健康飲食人人都識講,但係蕃茄達人TOMATOMAN嘅老闆就身體力行,將營養豐富嘅蕃茄熬成湯底配沾麵,唔止自己食,仲開店招呼埋你我他!蕃茄達人其實來自日本東京,主打蕃茄沾麵,口味不膩且清新,瞬間風靡東京,更曾受日本電視台訪問! 此店湯底每日精心熬製,嚴選雞、豬、野菜及蕃茄獨立熬煮3-5小時,以有機意大利蕃茄配合自家秘製和風湯煮成。客人可以按個人喜好選擇6個級別的辣度,由微辣到特級辣。辛辣口味由8種不同產地嘅辣椒經烤焗等工序炮製而成,同蕃茄濃湯好匹配,紅彤彤的湯底可見真材實料。 配料方面,沾麵上的汁煮叉燒,採用日本黑毛豬的肩胛用炮製,此部位油脂分佈適中,肉味厚實,沾上蕃茄濃湯好滋味。於日本掀起熱潮嘅芫荽蕃茄汁沾麵亦在香港餐牌之內,新鮮芫荽香味醒神,亦是TOMATOMAN招牌菜之一。此店用的秘製麵條,較坊間用的粗,彈牙俐落,配沾麵掛湯力強。 由於首次登陸香港,老闆亦特別為分店研發香港限定菜式蕃茄汁撈麵,以濃郁茄汁為基礎,撈麵醬汁微酸,加入青瓜及特製豬肉,辛香開胃。新店同時提供芝士粉飯(加$30),可以用沾麵嘅蕃茄湯底伴飯食,再飽都要試一試呀!   蕃茄達人TOMATOMAN 地址:中環歌賦街 13 號地舖 電話:2511 6882   你或有興趣的文章: 一次過食9碗迷你海鮮丼 豊勝手丼 亞洲首間The Tiffany Blue Box Cafe 尖沙咀登場  
2019-10-11,週五
豊勝手丼主打海鮮丼飯,早前搬咗去銅鑼灣登龍街,同時加入多款新菜式!例如十分搶眼嘅九鼎丼,由9款迷你刺身丼飯組成,例如日本海膽、大拖羅、油甘魚、三文魚子、赤蝦、活北海道帆立貝等,視乎當日魚鮮或季節而定。還有份量十足的天丼,每碗3隻大虎蝦,另有蔬菜如蘆筍、冬菇、大葉、日本流心蛋等,好豐富。塩燒魚鮫丼、鵝肝丼同樣是新品,讓較喜歡熟食的客人亦有好選擇。 招牌海鮮丼自然繼續熱賣,包括拖羅丼,內有拖羅加海膽,鮮味幼滑。吞拿魚粉絲則要試試齊集3款吞拿魚滋味的吞拿魚丼,一口嚐盡吞拿魚、吞拿魚腩、碎蔥吞拿魚腩。北海蟹丼又是另類鮮味,由松葉蟹肉、松葉蟹腳、松葉蟹鉗、味噌蟹羔及蟹籽組成,啖啖肉架! 豊勝手丼 地址:銅鑼灣登龍街18號V Point 地下3號舖 電話:5546 5046   你或有興趣的文章: 亞洲首間The Tiffany Blue Box Cafe 尖沙咀登場 大阪3層梳乎厘Pancake 強勢登陸  
2019-10-11,週五
一人簡餐好介紹!雖然都係牛肉飯,但改用一口和牛粒,貴氣啲、好味啲,加埋個牛肉蛋汁拌飯,好味程度直線上升! 材料: 一口和牛粒 10至12粒 味醂 125 ml 萬字醬油 100ml 日本煮酒 125ml 糖 6g 薑 2.5g 蒜 12.5g 青蔥 適量 生雞蛋黃 1隻 白飯 1碗   做法: 1.薑、蒜磨蓉。 2.萬字醬油、日本煮酒、味醂加入鍋中。 3.加入糖、薑蓉及蒜蓉煮熱。 4.煎香和牛粒。 5.醬汁加進和牛粒煮勻。 6.和牛粒放飯面,加入蛋黃及灑上蔥粒。     你或有興趣的文章:  【女煮人Kinki系列】泰好味 香煎鹹牛脷配酸辣汁 【女煮人Kinki系列】醒胃泰式生菜包  
2019-10-11,週五
全球第一間The Tiffany Blue Box Cafe 2017年於紐約開業,事隔兩年,品牌選址尖沙咀北京道一號,開其亞洲第一間、全球第二間分店。Cafe 10月14日才正式開幕,雖然開始接受網上訂座,但已全完爆滿,想試最快要等一星期,不如先看看有何心水菜式、甜品必試!十月尾前來幫襯,將送每位無酒精版Statement Blue作為Welcome Drink,那球粉藍棉花糖,好夢幻! The Tiffany Blue Box Cafe用餐區分為兩部分,餐具、陳設同樣以藍白為主色調,不過喜歡自然光的朋友,可以選坐近門口、以銀藍玻璃作間隔的區域,簡約且開揚。另一邊廂注入更多Tiffany元素,舉目盡是經典Tiffany Blue。在這樣的環境下,易令人聯想到Afternoon Tea。店家當然了解女生的想法,所以準備了三層Tiffany Afternoon Tea($688/兩位)給大家打卡兼品嚐。鹹甜點包括香檳珍珠、魚子醬撻、士多啤梨三重奏、鴨肝醬凍球、小紅莓鬆餅等不能盡錄! 頭盤、主菜亦相當出色,設兩道菜($358)及三道菜($458)選擇,清爽的龍蝦沙律以香橙薑醬汁作調味,是開胃Starter的不二之選。主菜龍蝦扁意粉、海鮮意大利飯、番紅花燉飯,皆足料香濃。特別是龍蝦扁意粉的醬汁,以龍蝦頭及蝦殼熬煮十一小時而成,真材實料。甜品無論是焦糖爆谷朱古力撻或牛奶布甸都相當吸睛,前者撻內是滿滿的榛子杏仁朱古力醬及芝士,配以焦糖爆谷,童心未泯。 買過Tiffany & Co.的產品、嚐過新店的菜式,不如訂埋它的蛋糕一試!The Tiffany Blue Box Cafe是個巨形禮物盒,由海鹽焦糖味及白芝麻味慕絲、杏仁朱古力脆及朱古力海綿蛋糕組成,同樣可以網上訂購。 The Tiffany Blue Box Cafe Hong Kong 地址:尖沙咀北京道1號大堂208號舖 開幕日期:2019年10月14日 預約請按:chope *只接受網上預約  
2019-10-10,週四
香港黃金海岸酒店聆渢咖啡廳,最近裝修完成兼亮麗登場!全新「海鮮大匯演自助晚餐」,海鮮菜式超吸睛,單是波士頓龍蝦,就冷熱都有齊,經典法式焗龍蝦米多,特別香濃。維納斯紅蜆、雪花蟹腳等,貴妃蟹亦輪流上場。日式美食除了刺身,定要試埋精選壽司,因為用的是北海道夢美人和七星米,再混合多種多種糙米和穀麥,令壽司健康有營。 海鮮熱盤例如番茄芝士藍青口、威靈頓三文魚、焗比目魚三文魚卷配紅花忌廉汁亦相當精彩。鮮甜的藍青口配番茄醬同煮,上碟前再放到巨型芝士輪內加添香濃滋味。威靈頓三文魚亦屬巧手菜,酥皮內是肥美的三文魚,配以菠菜、蘑菇和紅菜頭汁,外脆內滑,極富層次。室外的燒烤區亦是新Buffet焦點所在,燒雞翼,你一定鍾意食。另有越南大頭蝦、炭燒乳豬、琵琶鴨等,各有師傅即場燒烤,好惹味。 現憑滙豐、恒生、建設銀行、中銀、渣打、星展或美國運通信用卡簽賬,星期一至五可享8折,星期六、日、公眾假期及其前夕則可享85折。另最少兩天前透過酒店網上預訂系統 (https://dining.goldcoasthotel.com.hk/tc/gcdining3/) 訂座及繳付全數,可享高達7折。 聆渢咖啡廳「海鮮大匯演自助晚餐」 價錢: 成人$598/位、小童$358/位(星期一至五) 成人$658/位、小童$398/位(星期六、日、公眾假期及其前夕) 地址:香港青山公路一號香港黃金海岸酒店地層地下 電話:2452 8448   你或有興趣的文章: 大阪3層梳乎厘Pancake 強勢登陸 虹吸咖啡配鮑魚雞翼 HUNGRY TIGER CAFE  
2019-10-03,週四
呢個拿破崙千層酥,選用法國蘋果製作,酸甜有致。法籍名廚Charles Soussin更特別用蘋果蓉代替吉士醬,清新味道配脆脆酥皮底,層次十足! 材料: 已焗好酥皮 400克 蘋果 4個 牛油 30克 蜂蜜 1茶匙 糖霜 適量   蘋果蓉材料: 有機蘋果汁 500毫升 雞蛋 3 隻 粟粉 60克 砂糖 50克 半鹽牛油 50克 洋菜粉 2克   蘋果蓉做法: 1.蘋果汁倒入平底鍋,加熱至接近沸騰狀態。 2.碗內加入3隻雞蛋及砂糖並攪拌,再加入粟粉。 3.將加熱了的果汁倒入其他材料內,均勻攪拌。 4.把攪拌好的材料倒入平底鍋,然後加熱至沸騰。倒入另一大碗內。 5.加入洋菜粉及牛油 。 6.放入冰箱內冷凍。   其他步驟: 7.蘋果去皮、去芯、切粒。 8.用牛油及蜂蜜煎香蘋果,備用。 9.將已焗好的酥皮切成12份長方狀,每次用3份。 10.蘋果蓉唧在其中一塊酥皮上,加適量蘋果粒。 11.蓋上另一塊酥皮,再唧上蘋果蓉及加入蘋果粒。 12.撒上糖霜作點綴。   你或有興趣的文章: 藍帶女廚私房菜 法式油封鴨脾DIY 自製花椒欖菜牛油 配牛扒一流  
2019-09-30,週一
「食埋住埋呢個價,好抵呀!」「五星級酒店咁平?」類似說話最近經常聽到,因為香港人住本地酒店已變成假期日常。望望酒店Package,又食又住,部份仲幫你諗埋餘慶節目,都係千鬆啲,以前一晚房都未必得啦! 洲際酒店 送$1,000消費優惠 香港洲際酒店推出嘅「旅俠」住宿優惠,好難唔睇到雙眼發光,一個字:抵!Package$2,455起,即時送番$1,000俾你响酒店消費,可以去開餐啦、Room Service啦,做Spa都得!Package包埋自助早餐、享用泳池及健身中心,全日响酒店都唔會悶,仲要中午12點可以Check In,下午6時退房都得。二人行,包晒食同住,平住洲際不是夢呀! 住宿體驗優惠包括: 每次入住可獲HK$1,000現金價值於酒店內消費(包括餐廳、酒廊、房內用餐、房內迷你吧及I-Spa) 港畔餐廳自助早餐 (最多2位成人及2位小童) 保證中午12時辦理房間入住手續及延遲退房至下午6時 保證升級客房一個級別 免費加床服務 (需視乎供應而定) I-Spa消費可享65折 酒店內所有餐廳及酒廊消費可享85折 免費享用酒店泳池及健身中心 免費代客泊車服務 此優惠只適用於2019年10月31日前入住的預訂,另設10%服務費 地址:尖沙咀梳士巴利道18號 查詢:2721 1211 官網:http://bit.ly/2kZvURE 九龍酒店 包食包住包觀光 九龍酒店個「玩轉海陸空探索香港住宿計劃」原價總值$3,000,而家每晚$1,180咋!Package包升級房間住豪華客房、早餐、任點任食點心午餐,同埋每人$200餐飲券。未完!酒安排埋節目俾你,就係坐鴨靈號維港觀光遊。住多晚,送多每人一張天際100香港觀景台入場券添! 優惠包括: 免費升級房間至豪華客房 探索香港體驗: 入住一晚  - 鴨靈號維港觀光遊(午間時段)船票 (每房最多兩位) 連續入住兩晚 - 鴨靈號維港觀光遊(午間時段)船票及天際100香港觀景台入場券 或 Big Bus Tours車票(九龍遊/夜遊) (每房最多兩位) 免費享用龍逸軒「任點任食點心午餐」(每次入住最多兩位,只限一次) 免費享用龍逸軒點心早晨套餐或咖啡閣港式早晨套餐(每房最多兩位)  *亦可以優惠價每房每日HK$100享用倚窗閣自助早餐 每位一張HK$200餐飲禮券 (每次入住最多兩張; 附優惠條款) 免費無線及有線寬頻上網 (每房兩台電腦或流動設備) 免費使用本地電話 免費每日樽裝飲用水 *十二歲以下之小童需額外加HK$200與同行成人一同入住 地址:尖沙咀彌敦道19-21號 查詢:2929 2888 官網:http://bit.ly/2kX5mAw 馬哥孛羅香港酒店 送德國啤酒節門票 年度盛事「馬哥孛羅德國啤酒節」將於10月17日至27日舉行,今年首設巨型透明帳篷,無阻維港靚景。酒店同步推出「啤酒節住宿計劃」,即日起至2019年10月26日預訂,並於10月17日至27日期間入住,即送兩張啤酒節門票及每房送啤酒兩杯,飲飽食醉後可以放心繼續狂歡,唔使匆匆忙忙趕住返歸咯! 優惠包括: 「2019馬哥孛羅德國啤酒節」入場門票 (每房最多兩張連啤酒兩杯)                         免費延遲退房至下午3時                        免費客房升級至下一級別 另收加一服務費   地址:尖沙咀廣東道33號馬哥孛羅香港酒店 查詢:2113 0088 官網:http://bit.ly/2m22Kli 關於啤酒節:https://www.gbfhk.com/ Hotel ICON 入住兼食人氣自助餐 Hotel ICON唔少知名餐廳,包括靚景天外天中菜廳、High Tea熱點GREEN、出名難Book位嘅自助餐廳The Market,預訂FOODCATION +「食+住」除咗入住ICON 36城景客房一晚,仲可以自已揀去酒店內其中一間餐廳用膳,優惠價$1,500起。Hotel ICON嘅榴槤甜品相當出名,The Market即日起至10月13日,正好推廣緊榴槤主題自助餐,識食嘅你,訂房之餘當然訂埋位啦!   自選以下其中一項餐飲體驗︰ The Market自助午餐兩位 (星期一至五) The Market自助早午餐兩位 (星期六、日及公眾假期) The Market下午茶自助餐兩位 (星期六、日及公眾假期) The Market自助晚餐兩位 (另加港幣400元) GREEN 三道菜午餐兩位 (星期一至五) GREEN 半自助早午餐兩位 (星期六、日及公眾假期) 天外天中菜廳點心午市套餐兩位 (星期一至五,公眾假期除外) 天外天中菜廳片皮鴨晚市套餐兩位 (星期一至日及公眾假期,另加港幣300元) *預訂日期︰由即日起至2019年10月8日 *入住日期︰由即日起至2019年10月10日 *以上價錢需另收加一服務費 地址:尖沙咀東部科學館道17號 查詢:3400 1000 官網:http://bit.ly/2lZOIk1   你或有興趣的文章: 大阪3層梳乎厘Pancake 強勢登陸 144層酥皮蘋果批 東京名物RAPL  
2019-09-24,週二
日本梳乎厘Pancake熱潮停不了!今日朗豪坊新添一員,佢就係來自大阪嘅Micasadeco & Café,大阪、京都、東京都有其分店。招牌作瑞可塔芝士梳乎厘班戟,曾獲Sarah Japan Menu Award 2018最高級的三星評價,證明實力非凡。 每客Pancake三層高,全部逐件人手煎烘,店內4位廚師曾赴大阪總店深造,手藝已相當熟練。主要材料蛋、麵粉及牛奶均來自日本,將蛋白打起後,再逐少加入蛋黃、意大利Ricotta Cheese,食嘅時候就配牛油及100%北海道牛奶打發而成嘅忌廉,啖啖鬆軟香嫩,散發蛋香。另一人氣之選係抹茶梳乎厘班戟,班戟漿內加了日本抹茶粉,有種回甘茶香,好回味。仲有雜莓梳乎厘班戟、黑芝麻班戟架,真係要分幾次黎試。 Micasadeco & Café除咗Pancake,仲有多款和食,例如特製咖哩雞肉三文治,咖哩香味好醒神。加入鯷魚、茄子、白飯魚同自家煮番茄醬嘅京都風香辣茄汁意大利粉,感真材實料。明太子特製和丼定食最得小編歡心,手打雞肉丸、牛蒡、南瓜、蓮藕,配高湯同糙米飯,好滿足!為慶祝開幕,消費滿港幣$200嘅顧客,可獲贈限定Tote Bag一個,送完即止。 Micasadeco & Café 地址: 旺角亞皆老街8號朗豪坊地庫2層26-27號鋪   你或有興趣的文章: 最快最新飲食情報 144層日本蘋果批SOGO有得食  
2019-09-20,週五
日本人氣吉士醬蘋果批專門店RAPL進駐銅鑼灣SOGO!隻隻飽滿金黃嘅蘋果批,由144層牛油酥皮、新鮮吉士醬、蘋果粒及果蓉組成,現場烤烘,即買即食,酥脆清甜。 RAPL屬BAKE Inc.所有,姐妹品牌包括BAKE Cheese Tart、ZAKUZAKU棒棒泡芙、Press Butter Sand焦糖奶油夾心餅,可能你已經响唔同地方食過,RAPL吉士醬蘋果批又點可以錯過,最高紀錄响日本月銷50萬個架! RAPL除日本11家分店,現時泰國、香港各有一家。144層酥皮用北海道新鮮牛油製成,餡料中的蘋果粒,全部切成2cm方粒,並且用當季蘋果品種,以確保清甜多汁,吉士醬同樣新鮮現打,總括而言就係依足日本配方。製作及烤烘過程全部在SOGO店內進行,烤出來嘅吉士醬蘋果批,外層酥鬆香脆,同蘋果餡料融為一體,甜而不膩,現烤即食,更令人回味。 RAPL現烤吉士醬蘋果批專門店 地址:銅鑼灣崇光銅鑼灣店B2/F崇光超市     你或有興趣的文章: 翠華冰廳新品 麻辣鹹牛爆蛋包 星洲傳奇 文華海南雞飯抵港  
2019-09-18,週三
牛扒除咗配海鹽,仲可以配花椒欖菜牛油,少少麻香令肉味更有層次,在家自製好Easy,睇下香港米芝蓮名廚鄭永麒(Vicky Cheng)點整啦!   材料: 牛油 460克 辣椒乾 20克 花椒 20克 瀝乾橄欖菜(不含油重量)20克   做法: 1.辣椒及花椒用攪拌機打碎。 2.白鑊慢火爆香辣椒和花椒,離火後加入已切碎的橄欖菜炒勻。 3.平底鑊中以小火融化60克牛油。 4.牛油融液加入已爆香的辣椒、花椒及橄欖菜拌勻。 5.400克牛油放進廚師機攪拌至軟身,加入香料牛油,攪拌1分鐘。 6.將牛油壓製成所需形狀,用保鮮紙包好,放進冰箱冷藏至硬身。 7.煎香牛扒,以花椒欖菜牛油伴食。   你或有興趣的文章: 桂香枸杞牛油 3步輕鬆完成 【1分鐘烹飪教室】家常小菜 竹蔗馬蹄豬肋條  
2019-09-18,週三
睇清楚,唔係翠華餐廳,係新副線翠華冰廳呀!新Line好多創意Fusion選擇,材料配搭有驚喜。例如宇宙秘製豬軟骨漢堡,今次唔配漢堡扒,改用白麵豉、醬油、味噌、清酒等燜好的豬軟骨,又腍又香濃。麵包每日自家製,好軟熟,同豬軟骨非常夾。 仲有一款名字超長嘅淚光麻辣鹹牛深海爆蛋號,食完真係會閃著淚光,因為潛艇包嘅餡料係秘製麻辣醬炒香嘅滑蛋鹹牛肉,嫩滑中帶麻勁,好刺激。堅素Cheezy牛魔王炒滑蛋漢堡就相對溫和多,以Omnipork新豬肉混搭植物漢堡扒Beyond Meat(豌豆、紅菜頭及椰子油組成),質感與肉無異,再用日本雞蛋炒拌而成,香滑鮮味。可以配埋雪雪濃滑絲襪奶茶凍一齊享用,除咗奶茶,底層係香滑奶凍,一啖啜入口,口感十足,每日限量50支咋! 值得一提係翠華冰廳今次同香港蠶豆症兒童基金會合作,特別响餐牌上設標示,列明「蠶豆症人士適用」、「不含7大致敏源」等,方便有需要人士選擇。魚蛋片頭QQ米粉、滋味開懷兒童餐,正是蠶豆症或敏感人士適合享用的菜式。   翠華冰廳 地址:荃灣廣場3樓343-345號舖 電話:2386 2098   你或有興趣的文章: 星洲傳奇 文華海南雞飯抵港 反傅統海鮮丼 夢の丼  
2019-09-16,週一
歐洲聯盟與法國新鮮水果蔬菜跨區促進會Interfel,响應歐盟於亞洲區的大型推廣活動主題「The European Rendez-vous」,請來法籍名廚Charles Soussin教大家整月餅,法國人整月餅?對!Chef Charles將月餅與法國蔬果及烹調技巧結合,創作出「月裡蘋果三重奏」共慶中秋,可以食到法國蘋果蓉,蜂蜜軟心,好清甜,擺盤又夠精緻,可以作為飯後甜品喎! Chef Charles今次選用4款唔同品種嘅法國蘋果,包括茱麗葉(Juliet)、加拿蘋果(Royal Gala)、粉紅佳人(Pink Lady)、史密夫青蘋果(Granny Smith),配上其他歐洲食材,例如雲呢拿及烤杏仁,甘筍、意大利青瓜、飛碟南瓜、大蒜及茴香,又靚又好味。 月裡蘋果三重奏(四人份量) 材料: 茱麗葉蘋果 2個 加拿蘋果 2個 粉紅佳人蘋果 2個 史密夫青蘋果 2個 有機蘋果汁 ½升 鹽及胡椒 適量 蜂蜜 2茶匙 洋菜粉 4克 迷你胡蘿蔔 4株 迷你翠玉瓜 4株 迷你飛碟南瓜 4株 迷你韭蔥 4株 迷你茴香 4株 全粒杏仁 10克 橄欖油 1茶匙   雲尼拿忌廉材料: 雲呢拿豆莢 1/2條 淡忌廉 ¼ 升 有機蘋果汁 10毫升   製作雲尼拿忌廉步驟: 1.刮出雲呢拿籽,把雲呢拿豆莢放在一邊備用。 2.將淡忌廉(1/4升)倒入忌廉噴槍,然後倒入蘋果汁(10cl)和雲呢拿籽。 放在冰箱裡冷卻。插入2支氮氣瓶。   其他步驟: 2.清洗蘋果及去皮。1個蘋果切出4粒1cm x 1cm正方狀蘋果粒,其餘部份切碎即可。 3.把蘋果汁(1/2 升) 倒入平底鍋,並加入剛才的碎蘋果肉及雲呢拿豆莢。蓋上平底鍋用小火烹煮10分鐘。開蓋並繼續煮至濃稠醬狀。加入洋菜粉(4克)並煮至沸騰,加入鹽、黑椒及1茶匙橄欖油。 4.加入2茶匙蜂蜜至易潔鑊,再放入正方狀蘋果粒,確保每一邊均沾上蜂蜜。 5.合成月餅:把煮過的蘋果漿倒入月餅模,及後把烤過的方狀蜂蜜蘋果粒放入中間,並放在冰箱裡冷卻。 6.清洗迷你蔬菜,並使用切菜器切好。放入冰水內2分鐘,取出及瀝水,加上橄欖油、蘋果汁、鹽及黑淑。 7.在平底鑊上烤香杏仁。 8.把月餅倒出並放在碟上,擠出雲尼拿忌廉並仔細地用迷你蔬菜及杏仁作裝飾。   你或有興趣的文章: 桂香枸杞牛油 3步輕鬆完成 藍帶女廚私房菜 法式油封鴨脾DIY  
2019-09-11,週三