雜錦菌菜
炒臘味鬆
豆瓣酥

雜錦菌菜

2721
難度

簡介
雜錦菜配搭隨人,各家各法。廣東人索性燜一鍋齋菜,從除夕 吃到開年,多擱幾天更入味。近年培養菌供應充足,配些其他 的豆品和蔬菜,不必煮至顏色醬黑,像炒菜多於燜菜,清淡適 中,別有韻味。


材料
做法
材料
冬筍(約300克) 1隻
花菇 4隻
金針 40克
乾木耳絲 30克
紅蘿蔔 1段(約8厘米長)
唐芹菜 4條
大豆芽 50克
豆乾 2塊
茶樹菇 50克
杏鮑菇 1大條
金針菇 50克
白靈芝菇 1盤
棕靈芝菇 1盤
蒜(切細絲) 1瓣
3湯匙
茶匙
麻油 2茶匙
適量
適量
魚露 1湯匙
頂上生抽 2茶匙
做法
1 準備:花菇浸軟,去蒂後擠乾,每隻平刀片為2片,再切0.4厘米絲,留浸汁。
2 冬筍去皮,斬去頭部多纖維的地方,削去筍衣,切成4厘米長0.4厘米寬的幼長條,放下開水內,加些許鹽、糖煮5分鐘,瀝水後在中火上白鑊烘乾,留用。
3 金針菜去頭,放在水中浸發,擠水後留用;木耳絲浸至發大,煮軟後瀝水;紅蘿蔔分為2段,每段切0.4厘米絲;豆乾平片為3片,切細絲,大小與紅蘿蔔同;芹菜撕去老根,先切段,後切絲;大豆芽摘去尾,以2茶匙油炒至八成熟。
4 茶樹菇剪去菇腳,用前在水下沖去附着泥沙。金針菇切去菇頭約4厘米,抖散。杏鮑菇切4 厘米段,再切成1/2 厘米寬的絲。兩種靈芝菇分別去菇腳。將所有鮮菇放在瓦鍋內,蓋好置微波爐中,以大火(100% 火力)加熱2分鐘,把菇菌預熱,倒入疏箕內隔去多餘水分,留用。
5 炒法:置中式易潔鑊在中大火上,鑊熱時下油1湯匙,爆香蒜絲,加入花菇絲鏟勻,下些許鹽、糖調味,繼下木耳、金針同炒3分鐘,下竹筍絲、紅蘿蔔絲,再加油1 湯匙,倒下浸菇汁,煮至汁乾沿鑊邊澆下餘油1湯匙,將已備好之鮮菌放下同炒,同筷箸挑勻,最後加入炒大豆芽、豆乾,多炒幾下至熱透,方行加芹菜絲,下魚露和生抽調味,下麻油包尾,試味(如覺味淡,可加些少雞粉),鏟勻上碟。
貼士
本食譜所用微波爐,輸出功率為1000 瓦特。如有差異,請換算調整。如不用微波爐,可將鮮菌分別汆水,注意要瀝去多餘水分。




動手整!炸出嫩滑鮮奶
100459
專家教洗菜 除蟲除農藥
49894
抗癌南瓜 教你點揀、點煮最健康
110293
5大安眠茶 養心好氣色
134744
女士必睇!5大食物調整荷爾蒙
174051

日本梳乎厘Pancake熱潮停不了!今日朗豪坊新添一員,佢就係來自大阪嘅Micasadeco & Café,大阪、京都、東京都有其分店。招牌作瑞可塔芝士梳乎厘班戟,曾獲Sarah Japan Menu Award 2018最高級的三星評價,證明實力非凡。 每客Pancake三層高,全部逐件人手煎烘,店內4位廚師曾赴大阪總店深造,手藝已相當熟練。主要材料蛋、麵粉及牛奶均來自日本,將蛋白打起後,再逐少加入蛋黃、意大利Ricotta Cheese,食嘅時候就配牛油及100%北海道牛奶打發而成嘅忌廉,啖啖鬆軟香嫩,散發蛋香。另一人氣之選係抹茶梳乎厘班戟,班戟漿內加了日本抹茶粉,有種回甘茶香,好回味。仲有雜莓梳乎厘班戟、黑芝麻班戟架,真係要分幾次黎試。 Micasadeco & Café除咗Pancake,仲有多款和食,例如特製咖哩雞肉三文治,咖哩香味好醒神。加入鯷魚、茄子、白飯魚同自家煮番茄醬嘅京都風香辣茄汁意大利粉,感真材實料。明太子特製和丼定食最得小編歡心,手打雞肉丸、牛蒡、南瓜、蓮藕,配高湯同糙米飯,好滿足!為慶祝開幕,消費滿港幣$200嘅顧客,可獲贈限定Tote Bag一個,送完即止。 Micasadeco & Café 地址: 旺角亞皆老街8號朗豪坊地庫2層26-27號鋪   你或有興趣的文章: 最快最新飲食情報 144層日本蘋果批SOGO有得食  
2019-09-20,週五
日本人氣吉士醬蘋果批專門店RAPL進駐銅鑼灣SOGO!隻隻飽滿金黃嘅蘋果批,由144層牛油酥皮、新鮮吉士醬、蘋果粒及果蓉組成,現場烤烘,即買即食,酥脆清甜。 RAPL屬BAKE Inc.所有,姐妹品牌包括BAKE Cheese Tart、ZAKUZAKU棒棒泡芙、Press Butter Sand焦糖奶油夾心餅,可能你已經响唔同地方食過,RAPL吉士醬蘋果批又點可以錯過,最高紀錄响日本月銷50萬個架! RAPL除日本11家分店,現時泰國、香港各有一家。144層酥皮用北海道新鮮牛油製成,餡料中的蘋果粒,全部切成2cm方粒,並且用當季蘋果品種,以確保清甜多汁,吉士醬同樣新鮮現打,總括而言就係依足日本配方。製作及烤烘過程全部在SOGO店內進行,烤出來嘅吉士醬蘋果批,外層酥鬆香脆,同蘋果餡料融為一體,甜而不膩,現烤即食,更令人回味。 RAPL現烤吉士醬蘋果批專門店 地址:銅鑼灣崇光銅鑼灣店B2/F崇光超市     你或有興趣的文章: 翠華冰廳新品 麻辣鹹牛爆蛋包 星洲傳奇 文華海南雞飯抵港  
2019-09-18,週三
牛扒除咗配海鹽,仲可以配花椒欖菜牛油,少少麻香令肉味更有層次,在家自製好Easy,睇下香港米芝蓮名廚鄭永麒(Vicky Cheng)點整啦!   材料: 牛油 460克 辣椒乾 20克 花椒 20克 瀝乾橄欖菜(不含油重量)20克   做法: 1.辣椒及花椒用攪拌機打碎。 2.白鑊慢火爆香辣椒和花椒,離火後加入已切碎的橄欖菜炒勻。 3.平底鑊中以小火融化60克牛油。 4.牛油融液加入已爆香的辣椒、花椒及橄欖菜拌勻。 5.400克牛油放進廚師機攪拌至軟身,加入香料牛油,攪拌1分鐘。 6.將牛油壓製成所需形狀,用保鮮紙包好,放進冰箱冷藏至硬身。 7.煎香牛扒,以花椒欖菜牛油伴食。   你或有興趣的文章: 桂香枸杞牛油 3步輕鬆完成 【1分鐘烹飪教室】家常小菜 竹蔗馬蹄豬肋條  
2019-09-18,週三
睇清楚,唔係翠華餐廳,係新副線翠華冰廳呀!新Line好多創意Fusion選擇,材料配搭有驚喜。例如宇宙秘製豬軟骨漢堡,今次唔配漢堡扒,改用白麵豉、醬油、味噌、清酒等燜好的豬軟骨,又腍又香濃。麵包每日自家製,好軟熟,同豬軟骨非常夾。 仲有一款名字超長嘅淚光麻辣鹹牛深海爆蛋號,食完真係會閃著淚光,因為潛艇包嘅餡料係秘製麻辣醬炒香嘅滑蛋鹹牛肉,嫩滑中帶麻勁,好刺激。堅素Cheezy牛魔王炒滑蛋漢堡就相對溫和多,以Omnipork新豬肉混搭植物漢堡扒Beyond Meat(豌豆、紅菜頭及椰子油組成),質感與肉無異,再用日本雞蛋炒拌而成,香滑鮮味。可以配埋雪雪濃滑絲襪奶茶凍一齊享用,除咗奶茶,底層係香滑奶凍,一啖啜入口,口感十足,每日限量50支咋! 值得一提係翠華冰廳今次同香港蠶豆症兒童基金會合作,特別响餐牌上設標示,列明「蠶豆症人士適用」、「不含7大致敏源」等,方便有需要人士選擇。魚蛋片頭QQ米粉、滋味開懷兒童餐,正是蠶豆症或敏感人士適合享用的菜式。   翠華冰廳 地址:荃灣廣場3樓343-345號舖 電話:2386 2098   你或有興趣的文章: 星洲傳奇 文華海南雞飯抵港 反傅統海鮮丼 夢の丼  
2019-09-16,週一
歐洲聯盟與法國新鮮水果蔬菜跨區促進會Interfel,响應歐盟於亞洲區的大型推廣活動主題「The European Rendez-vous」,請來法籍名廚Charles Soussin教大家整月餅,法國人整月餅?對!Chef Charles將月餅與法國蔬果及烹調技巧結合,創作出「月裡蘋果三重奏」共慶中秋,可以食到法國蘋果蓉,蜂蜜軟心,好清甜,擺盤又夠精緻,可以作為飯後甜品喎! Chef Charles今次選用4款唔同品種嘅法國蘋果,包括茱麗葉(Juliet)、加拿蘋果(Royal Gala)、粉紅佳人(Pink Lady)、史密夫青蘋果(Granny Smith),配上其他歐洲食材,例如雲呢拿及烤杏仁,甘筍、意大利青瓜、飛碟南瓜、大蒜及茴香,又靚又好味。 月裡蘋果三重奏(四人份量) 材料: 茱麗葉蘋果 2個 加拿蘋果 2個 粉紅佳人蘋果 2個 史密夫青蘋果 2個 有機蘋果汁 ½升 鹽及胡椒 適量 蜂蜜 2茶匙 洋菜粉 4克 迷你胡蘿蔔 4株 迷你翠玉瓜 4株 迷你飛碟南瓜 4株 迷你韭蔥 4株 迷你茴香 4株 全粒杏仁 10克 橄欖油 1茶匙   雲尼拿忌廉材料: 雲呢拿豆莢 1/2條 淡忌廉 ¼ 升 有機蘋果汁 10毫升   製作雲尼拿忌廉步驟: 1.刮出雲呢拿籽,把雲呢拿豆莢放在一邊備用。 2.將淡忌廉(1/4升)倒入忌廉噴槍,然後倒入蘋果汁(10cl)和雲呢拿籽。 放在冰箱裡冷卻。插入2支氮氣瓶。   其他步驟: 2.清洗蘋果及去皮。1個蘋果切出4粒1cm x 1cm正方狀蘋果粒,其餘部份切碎即可。 3.把蘋果汁(1/2 升) 倒入平底鍋,並加入剛才的碎蘋果肉及雲呢拿豆莢。蓋上平底鍋用小火烹煮10分鐘。開蓋並繼續煮至濃稠醬狀。加入洋菜粉(4克)並煮至沸騰,加入鹽、黑椒及1茶匙橄欖油。 4.加入2茶匙蜂蜜至易潔鑊,再放入正方狀蘋果粒,確保每一邊均沾上蜂蜜。 5.合成月餅:把煮過的蘋果漿倒入月餅模,及後把烤過的方狀蜂蜜蘋果粒放入中間,並放在冰箱裡冷卻。 6.清洗迷你蔬菜,並使用切菜器切好。放入冰水內2分鐘,取出及瀝水,加上橄欖油、蘋果汁、鹽及黑淑。 7.在平底鑊上烤香杏仁。 8.把月餅倒出並放在碟上,擠出雲尼拿忌廉並仔細地用迷你蔬菜及杏仁作裝飾。   你或有興趣的文章: 桂香枸杞牛油 3步輕鬆完成 藍帶女廚私房菜 法式油封鴨脾DIY  
2019-09-11,週三
香港珀麗酒店同九龍珀麗酒店都有協奏坊西餐廳,佢哋同步推出「夏日盛宴」海鮮自助晚餐!一入餐廳就有多款冰鎮海鮮迎賓,冷熱海鮮菜兼備,當中包括龍蝦菜式,仲有芒果主題甜品區。另有每晚首50名Discount優惠!即日起至12月15日,凡預訂星期一至日海鮮自助晚餐,首50名使用優惠碼【myCOOKey19】,可用驚喜價享用Buffet:成人每位HK$268、長者及小童每位HK$208(包加一服務費)。電話訂座時,講個優惠碼就得。 一齊睇下有咩食先,冰鎮海鮮夠晒搶眼,鱈場蟹腳、麵包蟹、石蟹、藍青口同大蝦等,邊款做開胃頭盤好呢?仲要試埋龍蝦芒果沙律,內有波士頓龍蝦,配香芒同鮮果好清新。喇沙湯米粉伴龍蝦尾咁惹味,當然大受歡迎。湯底用蝦殼、香茅、馬拉盞、辣椒、椰汁等煲煮而成,超濃郁。另有消暑冬瓜盅、刺身壽司、櫻花蝦冷麵,咩都想試。仲有無酒精啤酒可以Order,$48/支,買三送一。 甜品Counter係另一主打,多款芒果甜品又靚又好味,拿破崙餅、千層班戟蛋糕、軟芝士蛋糕、流心芝士撻,全部都加咗芒果。提提大家,協奏坊西餐廳每晚都有重量競猜遊戲,只需估下該晚嗰盆芒果嘅重量,最接近者就有機會免費食Buffet,每枱參加一次,快啲訂位啦,記得講優惠碼【myCOOKey19】呀,頭50位$268就享用到自助餐嘞! 香港珀麗酒店「滋味蟹宴」海鮮自助晚餐 推廣期:即日至9月30日 供應時間:6:30pm至9:30pm(星期四至星期日、公眾假期) 標準價:成人$428/位、長者及小童$298/位 地址:銅鑼灣信德街8號香港珀麗酒店2樓協奏坊西餐廳 訂座:2127 8838 *香港珀麗酒店之自助晚餐只適用於星期四至星期日、公眾假期 *另收加一服務費   九龍珀麗酒店「滋味蟹宴」海鮮自助晚餐 推廣期:即日至9月30日 供應時間:6:30pm至9:30pm 標準價: 星期一至四 (公眾假期及特別日子除外) 成人$398/位、長者及小童$268/位 星期五至日、公眾假期及其前夕 成人$428/位、長者及小童$298/位 地址:大角咀道86號九龍珀麗酒店2樓協奏坊西餐廳 訂座:3919 8228 *另收加一服務費   你或有興趣的文章: 星洲傳奇 文華海南雞飯抵港 高質親民價 藍帶女廚觀塘開餐廳  
2019-09-09,週一
Chatterbox的海南雞飯始於1971年新加坡文華大酒店,並曾於2012年榮獲新加坡「名人堂」美譽及「悠久品牌獎」之殊榮。Chatterbox最近於尖沙咀人氣新商場K11 MUSEA開業,除了招牌文華海南雞飯、創意咸蛋雞翼,還有香港獨家新品美祿恐龍飲! 招牌作文華海南雞飯的確能帶給你星級滋味,雞件用差不多一小時慢煮而成,軟嫩滑溜,雞皮爽彈。香米飯用雞湯加雞油煮成,粒粒分明鮮味。小食亦有水準,例如特色咸蛋雞翼,面層是香濃的咸蛋黃,配以咖喱葉、小辣椒,加上用咖喱粉醃製過,啖啖惹味。 麵食的選擇亦相當豐富,包括海鮮福建炒麵、招牌珍寶帶子喇沙、乾炒喇沙意粉配豬扒,有辣有唔辣,但同樣足料!甜品和飲品也相當吸睛,飯前要試試美祿恐龍,飯後必食招牌椰子雪糕、珍寶美祿雪花冰配意大利芝士蛋糕,好適合同朋友齊齊分享!   食物:*** 環境:*** 價錢:***   Chatterbox Cafe 地址:尖沙咀梳士巴利道18號B1樓B110舖 電話:2352 2173 【味之年賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之年賞】文章: 【味之年賞 廣州】霸氣和味料理 飲兵衛大勝丼 【味之年賞 深圳】深圳6大高富美粵菜館 更多香港美食介紹:myCOOKey出街食  
2019-09-04,週三
挾海南雞飯始祖美譽的Chatterbox,於尖沙咀人氣新商場K11 MUSEA開設新品牌Chatterbox Cafe。除了招牌文華海南雞飯、創意咸蛋雞翼,還有香港獨家新品美祿恐龍飲! 說它傳奇,因為新加坡文華大酒店於1971年開業時,Chatterbox同步進註,並且二十四小時營業。店家主打的並非貴價名菜,而是國民美食海南雞飯,但因水準超凡,加上位處酒店內,所以瞬間成為城中熱話。2012年Chatterbox榮獲新加坡「名人堂」榮譽,亦曾獲「悠久品牌獎」之殊榮。 招牌作文華海南雞飯的確能帶給你星級滋味,雞件用差不多一小時慢煮而成,軟嫩滑溜,雞皮爽彈。香米飯用雞湯加雞油煮成,粒粒分明鮮味。小食亦有水準,例如特色咸蛋雞翼,面層是香濃的咸蛋黃,配以咖喱葉、小辣椒,加上用咖喱粉醃製過,啖啖惹味。 麵食的選擇亦相當豐富,包括海鮮福建炒麵、招牌珍寶帶子喇沙、乾炒喇沙意粉配豬扒,有辣有唔辣,但同樣足料!甜品和飲品也相當吸睛,飯前要試試美祿恐龍,飯後必食招牌椰子雪糕、珍寶美祿雪花冰配意大利芝士蛋糕,好適合同朋友齊齊分享!   Chatterbox Cafe 地址:尖沙咀梳士巴利道18號B1樓B110舖 電話:2352 2173   你或有興趣的文章: 高質親民價 藍帶女廚觀塘開餐廳 虹吸咖啡配鮑魚雞翼 HUNGRY TIGER CAFE  
2019-09-04,週三
由咖啡界大師級人馬主理的精品咖啡店 HUNGRY TIGER CAFE ,除了供應特色皇牌咖啡,客人亦可在此品嚐多國創意料理,由逾廿年經驗的主廚研發炮製,加上環境舒適愜意,實在是讓人放鬆身心的都市綠洲。 HUNGRY TIGER CAFE 主理人 Nigel Ng 是具有廿多年經驗的國際級專業咖啡師、烘焙師,曾在多項本地咖啡大賽獲獎。近年更當上世界虹吸式咖啡師大賽香港賽區的籌劃顧問、總評審長,虹吸咖啡是其拿手好戲。HUNGRY TIGER CAFE 接下來亦會舉辦不同類型工作坊,以推廣咖啡文化。 誰說咖啡店只可配輕食? HUNGRY TIGER CAFE 的美食相當精彩,選擇包括日式燒物、西式沙律,還有富東南亞色彩的羅勒辣椒炒蜆,薄餅又會加入冬陰功元素,刺激醒胃。   HUNGRY TIGER CAFE 地址:銅鑼灣摩理臣山道23號南洋酒店2樓 電話:3460 4498 / Whastapp 9324 4319   你或有興趣的文章: 高質親民價 藍帶女廚觀塘開餐廳 【味之年賞 香港】川粵相輝映 名廚坐鎮翠亨邨  
2019-09-03,週二
早前參加法國奶類食品組織CNIEL(National Interprofessional Center for The Dairy Economy,France)舉辦嘅「法國牛油廚藝工作坊」,先發覺原來牛油好百變,例如加適量檸檬皮、橙皮、青檸皮等,就可以變成唔同味道嘅香料調味牛油。活動請來香港米芝蓮名廚鄭永麒(Vicky Cheng),即席教整「桂香枸杞牛油」,零難度!配多士、麵包、鬆餅都適合。 桂香枸杞牛油 材料: 牛油 400克 冰糖桂花 40克 杞子 20克 做法: 1.將牛油放入廚師機攪拌2分鐘。 2.杞子浸軟切碎,與桂花糖一同加入牛油,將所有原材料拌勻。 3.將牛油定形成想要的形狀,用保鮮紙包好,放入冰箱冷藏。   你或有興趣的文章: 藍帶女廚私房菜 法式油封鴨脾DIY 【陳家廚坊煲湯系列】生熟薏米混合用 寒熱底都啱  
2019-08-28,週三
法國餐廳Le Monde選在繁忙的觀塘區開業,卻非一般工廈快餐或茶餐廳,而是環境、食物都精益求精的Fine Dining!創辦人兼行政主廚Carrie Li曾遠赴巴黎,並完成著名藍帶廚藝學校的文憑課程,烹飪技巧絕對紮實。至於在Le Monde擔任甜品及烘焙顧問的,是畢業於巴黎藍帶廚藝及糕點學院、曾任電台與電視台嘉賓主廚的Bonnie So。所以說由頭盤、主菜到甜品,美酒佳餚都相當高質! Le Monde,意指世界、The World。它有別於一般法式的華麗裝潢,走簡約北歐風路線,除了提供傳統法國菜式,亦有混合西歐特色的創意配搭。全店的麵包、菜式、甜品,甚至醬汁、配菜,都由廚師一手一腳製作,絕非現成或半製成品,誠意十足。價錢是另一吸引之處,一般湯品才$48起,定要試試特製濃蝦湯,以野生牡丹蝦熬製,蝦香味超濃。頭盤西班牙乳豬仔肉凍配蘋果啫喱($78)亦花功夫,只用乳豬後腿肉,又香又滑。法國菜又怎少得油封鴨脾,低溫慢煮12小時,不油不膩。 Le Monde 地址:觀塘巧明街94-96號鴻圖中心9樓A室 電話:3619 7956 WhatsApp訂座:9226 4391   你或有興趣的文章: 反傅統海鮮丼 夢の丼 【味之年賞 香港】川粵相輝映 名廚坐鎮翠亨邨  
2019-08-26,週一
Le Monde是觀塘區極少有的Fine Dining餐廳,價錢卻出乎意料地親民,例如法式湯品$48起、巧手的西班牙乳豬仔肉凍配蘋果啫喱,僅$78,myCOOKey稍後將為大家詳細介紹!今日先請Le Monde的創辦人兼行政總廚Carrie Li,教大家製作法國名菜油封鴨脾。Carrie畢業於巴黎藍帶學校,廚藝不容置疑! 材料: 鴨脾 1隻 橄欖油 適量 醃料:月桂葉碎、粗鹽、黑胡椒、百里香,各適量 做法: 1.拔清表面鴨毛。 2.以月桂葉碎、粗鹽及黑胡椒抹勻鴨脾,醃半小時。 3.放進橄欖油,浸過鴨脾表面。放上百里香。 4.以200度焗2小時。 5.燒熱鑊,煎香鴨脾。 6.伴以配菜品嚐。   你或有興趣的文章: 齊齊學 迷你斑蘭蛋黃月餅 【女煮人Kinki系列】泰好味 香煎鹹牛脷配酸辣汁  
2019-08-20,週二