香芋五豆糕
香芋雙色糕
馬拉糕

香芋五豆糕

5146
難度
30分鐘

簡介
這款由芋頭糕變化而成的齋糕,素食者不能吃葷,利用五色豆的顏色,增加視覺美感,還有五豆味道濃淡不同,仿似肉味,濃郁的豆可視作素肉,無論味道和口感,也不遜於含臘味的芋頭糕,具有獨特風味。


材料
做法
材料
芋頭片 1斤8兩(900克)
芋頭丁粒 1斤8兩(900克)
紅腰豆(浸4小時) 2兩(75克)
雞心豆(浸4小時) 2兩(75克)
眉豆(浸30分鐘) 2兩 (75克)
紅豆(浸4小時) 2兩 (75克)
綠豆(浸4小時) 2兩 (75克)
粘米粉 1斤(600克)
粟粉 8兩 (300克)
清水(燉豆用) 4斤(2400克)
清水(調粉用) 2斤(1200克)
調味
8錢 (30克)
雞粉 2兩(75克)
砂糖 3兩(115克)
麻油 3兩(115克)
胡椒粉 2茶匙
五香粉(芋頭粒用) 1湯匙
做法
1 把清水與五色豆同置器皿,以大火燉1小時至腍軟,保溫。
2 芋頭粒放猛油炸至金黃,撈起,與五香粉拌勻。
3 芋頭片以大火蒸腍,需時約20分鐘,取出壓蓉。
4 粉材料與其他調味料拌勻,然後用清水調開,沖入芋頭蓉拌至融和。
5 燉豆連燉豆水一同沖入芋蓉漿拌勻,再加入五香芋頭粒拌勻,倒入9寸糕盆,以大火蒸1小時10分鐘,放涼切件。
貼士
豆材料宜先浸泡清水,令其吸足水份,容易煮腍,兼且省時烹調。




動手整!炸出嫩滑鮮奶
92592
抗癌南瓜 教你點揀、點煮最健康
95380
5大安眠茶 養心好氣色
117145
專家教洗菜 除蟲除農藥
39286
女士必睇!5大食物調整荷爾蒙
157559

鬼馬星級廚師Christian Yang (楊尚友)又同麥當勞合作嘞!今次設計嘅新品充滿法色風情,佢就係「手撕雞安格斯漢堡」。Christian曾經响法國留學,知道烤雞係當地傳統家庭菜式,新漢堡正是以此為靈感。 先以秘製肉汁風味醬配手撕雞,未完!然後再配百分之百安格斯牛肉、烤磨菇、紫椰菜、白芝士、帶辣味嘅洋蔥醬,組合成今次新Burger。親身試食過,醬汁、肉汁超豐富,而且多重口感,香辣味就更加醒神啦!4月26日十一點後開始供應嘞! 除左新品,同步推出「大大啖組合」,買任何超值套餐加$7.5,即刻可以享用「黑松露風味醬薯條」,同埋大大杯「柚子特飲」,$7.5咋! *手撕雞安格斯售完即止,供應地點不包括:海洋公園、沙田馬場及跑馬地馬場的麥當勞餐廳 *黑松露風味醬薯條及柚子特飲的供應地點不包括沙田馬場及跑馬地馬場的麥當勞餐廳   你或有興趣的文章: 海鮮丼+烏冬套餐 半價免加一 $268自助晚餐 任食麵包蟹兼送飽魚  
2018-04-23,週一
厚切!厚切!食魚生最開心係厚切!豊洲水産海鮮丼専門店推出全新Menu,其中包括厚切刺身海鮮丼,吸引死人呀!指定食品仲有半價同免加一優惠。 全新餐牌有兩款海鮮丼,其中由14款海鮮食材組成嘅豊洲水産海鮮丼最吸睛,食材包括黑鮪大拖羅、黑鮪赤身、黑鮪魚腩蓉、三文魚子、帆立貝、牡丹蝦、北海道響螺等,足2人享用。 同步推出嘅仲有「築地究極福食祭」,即係豐富海鮮丼配特色烏冬,一次過食齊,而且全部自由配搭。丼飯選擇有豊洲海鮮丼(築地),內有長崎縣對馬市的鮪魚及拖羅蓉,熊本縣的油甘魚、三文魚。又或者名古屋鰻魚丼,醬燒鰻魚配昆布醬油湯拌成湯飯吃,好香濃! 烏冬同海鮮丼一樣有5款口味,包括特製豚骨魚湯稻庭烏冬、明太子卡邦尼撈稻庭烏冬、卡邦尼溫泉蛋撈稻庭烏冬、海鮮忌廉撈稻庭烏冬,最驚喜係海膽忌廉撈稻庭烏冬,湯底以新鮮海膽、海膽豉油、忌廉製成,濃而不膩,不俗! 大家仲要記低以下日子喎!因為「築地究極福食祭」餐牌內嘅食品,將於指定日子半價,例如原本$116嘅築地天婦羅丼配卡邦尼溫泉蛋撈稻庭烏冬,半價$58!海膽忌廉撈稻庭烏冬半價後$39咋。4月26日至27日,油麻地分店率先推出此優惠。灣仔店就4月28日至30日先開始,記得嘞! 豊洲水産海鮮丼専門店 地址:油麻地彌敦道558-560號譽發廣場1樓 電話:2869 6289 地址:灣仔謝斐道415-421號積福大廈地舖B 電話:2808 0292   你或有興趣的文章: $268自助晚餐 任食麵包蟹兼送飽魚 $20海南雞飯益街坊  
2018-04-17,週二
有時想用新鮮粟米煮餸煲湯,但因為起粟米粒太麻煩而放棄,一齊跟住短片做啦,無論去粟米衣、粟米鬚或起粒,都變得好Easy。   你或有興趣的文章: 【酒店大廚教室】切洋蔥 好輕鬆 自製芝心蛋卷 只需2樣料  
2018-04-16,週一
無論你想將洋蔥切成圈圈炸,定係切成條狀或粒粒再煮餸,只要Step By Step,跟住海景嘉福洲際酒店中菜行政總廚梁輝雄師傅做輕易成功!再醒你切洋蔥不澀眼貼士,學嘢嘞! 不澀眼小貼士: 1.將洋蔥冷藏10分鐘 2.切去頭尾用水清洗 3.切時最緊要刀夠利,可減少澀眼汁液 洋蔥圈:原個洋蔥切片,輕輕一推,即變成洋蔥圈。 洋蔥條:洋蔥切去頭尾,垂直切半,再順洋蔥紋切片,即變成幼條。 洋蔥粒:半個洋蔥順紋切片,頭部不切斷,然後逆紋切,即成粒狀。   你或有興趣的文章: 【酒店大廚教室】番茄煮蛋必勝法 【一分鐘烹飪教室】炒滑蛋實用秘笈  
2018-04-13,週五
$268可以吃甚麼?半份tea set?飲一餐茶?吃一頓晚飯?其實你可以吃一頓海鮮buffet!麵包蟹、石蟹、龍蝦仔、鱈場蟹腳、刺身、Movenpick任食,再送每人一隻磯燒飽魚,吃足三小時,如果你好運氣,在他們的芝士重量競猜遊戲中勝出,還會再送你一次自助晚餐呢! 這麼划算的價錢,不是街邊小店,而是Rosedale Hotel協奏坊西餐廳的自助晚餐 (銅鑼灣及大角咀酒店都有提供),但記得記得記得,要15天前預訂並Click入網站https://goo.gl/24hkbm下載優惠券後,才可以有這優惠呀。   協奏坊西餐廳「意日情迷」海鮮自助晚餐 供應期:即日起至6月30日 時間:6:30pm - 9:30pm 優惠價:成人$268/位、長者或小童$188/位 (已包加一) 詳情及下載優惠券:https://goo.gl/24hkbm  九龍珀麗酒店:3919 8228 香港珀麗酒店:2127 8838 更詳細介紹:https://foodiecurly.com/archives/1973     你或有興趣的文章: 和風抹茶Tea Set 人氣爆燈 $20海南雞飯益街坊  
2018-04-12,週四
去濟州,吃黑豚肉是常識吧,原來濟州的黑毛豬在漢拏山的半山飼養,那裡空氣新鮮、水質清澈,所以黑豬肉特別美味!今次去到濟州,鬈毛當然不會錯過吃黑毛豬的機會,吃了好幾間,有米芝蓮推介的,有街邊隨便挑的,也有靚景Fusion的,各有特色,都很美味,在這裏一一介紹! 1. 돈豚 2012年米芝蓮推介餐廳,二人黑豚肉套餐(43,000韓元,約320港元),除豬肉以外,還有水蛋、熟豬肉、辣海鮮湯等等,專人服務,價錢一點也不貴。 2. 막쇠 餐廳採用炭爐,將已經煮熟的豬腸和豬肉奉上(19,000 韓元,約141港元),還加了一些韭菜和營養粉,豬肉甜甜的,豬腸夠煙靭,吃時可蘸一些沙律醬,十分惹味。 3. 일탈흑돼지 餐廳就在往來牛島的碼頭附近,相當方便,主打Fushion菜,芝麻醬沙律、咖喱黑豚肉配印度薄餅、黑豚肉批都是我的最愛! 詳細地址可Click入:https://foodiecurly.com/archives/1927   你或有興趣的文章: 曼谷2大主題餐廳 動物陪食+英雄任摸 和風抹茶Tea Set 人氣爆燈  
2018-04-12,週四
文化展館「嚐品慕茶」最近與日本老字號「丸安茶葉」聯乘推出抹茶下午茶,抹茶一向多Fans,加上Tea Set賣相、味道夠吸引力,瞬間成為打卡熱點。 已有140年歷史的「丸安茶葉」是日本滋賀縣甲賀市著名茶店,今次下午茶的食品選用丸安抹茶入饌,取綠葉部分製成抹茶粉,屬上等級別,香醇卻不帶苦澀味。下午茶點共10款,鹹甜兼備,例如蜂蜜岩燒抹茶蛋糕、抹茶芝士蛋糕、牛乳抹茶紅豆雙色奶凍、素炸雞槌配抹茶芝士醬、牛油果煙三文魚蟹籽酥盒等。 特別推介蜂蜜岩燒抹茶蛋糕,入口鬆軟,既能嚐到芝士的微鹹,又有蜂蜜的甜香,相當不俗。抹茶手工雪糕亦要細味,這純素雪糕用丸安抹茶粉及燕麥奶Home Made而成,不含牛奶,質感綿密幼滑,而且茶味突出。 鹹點以素炸雞槌最夠驚喜,廚師將腐皮捲成雞槌狀並炸至酥脆,變成外脆內軟,配抹茶芝士醬,變得更芝味。抹茶下午茶二人用,另加$30可升級至式芭菲特飲,並自選焙茶、抹茶或玄米抹茶味手工雪糕。想親身一試記得致電預訂,同場還有藝術家Miss FAT小型作品展覽,非常多打卡位呀!   抹茶和風下午茶 日期:即日起至6月30日 時間:3:00pm至6:00pm 價錢:$258(兩位用、包抹茶、焙茶或玄米抹茶拿鐵) 地址:觀塘偉業街89號昌興工業大廈M字樓 電話:3421 1944 *21/4起加開星期日、2:00pm-6:00pm   你或有興趣的文章: 法式自助晚餐 小童長者免費食! $20海南雞飯益街坊  
2018-04-10,週二
材料: 雞蛋 2隻 芝士 2片 做法: 1.雞蛋打勻成蛋漿。 2.加入1/3茶匙鹽調味,再拌勻。 3.將油倒入已預熱好的鑊。 4.油需平均沾滿鑊。 5.轉小火,先倒入一半蛋漿。 6.中間加入芝士,慢慢捲成長條形。 7.再倒入餘下蛋漿,繼續捲成長條形。   你或有興趣的文章: 【酒店大廚教室】番茄煮蛋必勝法 【1分鐘飯煲教室】牛肝菌鮮菇藜麥飯  
2018-04-06,週五
法國菜經常以海鮮入饌,今次MoMo Café嘅「法式風情」自助晚餐,就有相當多海鮮任你食。最開心係小朋友或長者,有機會免費食!   法式風味海鮮菜包括:焗田螺配香草牛油及薯蓉、即煮法式海龍皇湯,個湯可以自己揀料架,例如蟹、大蝦、青口、蜆及比目魚等,味道好濃郁。 其他海鮮菜包括凍蝦、翡翠螺、青口、鱈場蟹腳、波士頓龍蝦,以受熱盤法式香煎龍鯏柳、普羅旺斯焗扇貝。沒算海鮮迷?當然亦有好選擇,例如每晚輪流供應嘅紅燒龍躉、印式牛油雞、芝士香菇焗蝦球等。   即日起至6月30日,凡兩位付全費嘅成人黎幫襯,1位小童(3-11歲)或長者(65歲或以上),更可免費享用自助餐,就係咁簡單,仲等咩呀!   「法式風情」自助晚餐 價錢: 成人$468、小童$278(星期一至四) 成人$528、小童$318 (星期五至日及公眾假期) 時間:晚上6時至10時 地址:沙田安平街1號香港沙田萬怡酒店2樓MoMo Café 電話:3940 8788   你或有興趣的文章: $20海南雞飯益街坊 石硤尾松露芝士雞肉餃 即叫即製  
2018-04-06,週五
親親小動物 Zoota Bistro Zoota Bistro位於離市區較遠的Central Festival Eastville,這商場設有很多親子遊樂設施,每到週末假期都擠滿人潮,不少家長都愛帶小朋友來這家咖啡店,認識更多小動物,確是個很好的親子活動場所。 走進店,焦點落在巨型玻璃室內的珍罕動物,如加拿大無毛貴族貓、松鼠猴、刺蝟等,在工作人員的指導下,你可以抱抱小動物,影相留念。 此外,每張吧枱座位都設有玻璃箱,枱下面就是土撥鼠的「地盤」,客人只要在玻璃箱放入食物,便可吸引土撥鼠現身。大膽一點的話,可以到店內後方位置,請店員將大蛇放在肩上與蛇共舞! 菜單方面,都是大眾化的西式和泰式食品,如卡邦尼意粉、泰式咖喱、粉絲、窩夫甜品等,坦白說,水準一般,但價錢相宜,而且有可愛小動物陪食,也是一個不錯的另類餐飲體驗。   Zoota Bistro 地址: 69/3 Pradit Manutham Road Lad Prao , Central Festival East Ville, Bangkok  交通: 從曼谷城中心乘坐計程車到Central Festival East Ville(約40分鐘) 或乘MRT至Lat Phrao站再乘的士(約15分鐘) www.facebook.com/zootabistro 與超級英雄會面 Hero Food and Gathering Hero Food and Gathering深藏在BTS Nana附近的巷弄間、兩層樓高的低調建築物,抬頭一看,你會驚訝如真人般的蜘蛛俠就在屋頂留意着每位進店的客人。走入店內,美國隊長已在門口守候,還有超人、蝙蝠俠、雷神、變相怪傑綠巨人等真人比例模型,分別在不同角落站崗,隨時候命和你合照。 這裏的菜單走西式及泰式Fusion路線,款式選擇多,如意粉、漢堡包、三文治、泰式芥辣生蝦、泰式炒粿條、泰式咖喱等,用料十足,味道不俗。推薦有Beef Burger,漢堡扒用上12安士美國牛肉,特別加入茴香籽調味,香烤至8成熟,肉汁豐腴,惹味可口,配上自家製的竹炭麵包,賣相更具型格。   Hero Food and Gathering Sukhumvit soi 4 Nana, Bangkok, Thailand  交通:BTS Nana 步行約8分鐘 www.facebook.com/herofoodandgathering     你或有興趣的文章: $20海南雞飯益街坊 深水埗 人氣台灣牛肉麵  
2018-04-04,週三
開始熱咯,响街度行得耐就想飲凍嘢,推介大家試試太子呢間手作珍珠奶茶店!啲珍珠好Q彈架,仲有唔同味,例如櫻花珍珠、芒果珍珠、焦糖珍珠等,配唔同味道茶底,每啖嘅味道就變得好豐富嘞!   茶樂 地址:太子太子道西171號別樹一居地下1A號舖 電話:2362 2366   你或有興趣的文章: $20海南雞飯益街坊 石硤尾松露芝士雞肉餃 即叫即製  
2018-04-03,週二
邊度有咁筍嘅海南雞飯食?咪就係May姐泰主場囉!20蚊咋!雞件皮薄肉滑,油飯粒粒分明又香噴噴,配酸辣汁一流。有成碗飯咁多架,好抵食。   May姐泰主場 地址:太子太子道西96-100地下A舖   你或有興趣的文章: 石硤尾松露芝士雞肉餃 即叫即製 深水埗 人氣台灣牛肉麵  
2018-04-03,週二