豬頸肉南瓜盅
香乾拌馬蘭頭、薺菜炒冬筍
鹹魚雞塊炒茄子

豬頸肉南瓜盅

6348
難度

簡介
如果你覺得烹調是樂事而不是苦差,那你一定是個幸福快樂的人。你試想,從計劃、採購、準備、完成至上桌,都包含一連串心思;若你心不在煮出來的東西便失去了神髓。就算你有家傭,她是否用心去煮,也一嘗即知。在家外館子吃飯,廚子是專業人才,如缺乏了敬業樂業的精神,哪會有精彩的菜餚奉客!喜歡下廚的人,往往能在烹調中找到樂趣;買到特別而新鮮的材料,想到用不同的方法,又或找到一件新的廚具,都會啟發了創意,燒出只此一家別出心裁的菜式,增加滿足感。上幾代的下廚人,只憑簡單的廚具,便可弄妥每日三餐。而今飲食文化一日千里,廚房的環境日見改善,主要廚具固然一應俱全,而輔助廚具花樣之多,大有一物一用之概。只要你到大百貨公司的家品部或廚具專門店瀏覽一下,你總會忍不住買一、兩件回家玩玩。其實買這些小廚具時,不外乎覺得有趣好玩,是否實用還是其次的問題。我在1998年由美國重回香港時,只得三套碗碟,一鑊一湯鍋和一個電飯煲而已,但居然也應付自如。曾幾何時,我家廚房雜物之多,簡直目不忍睹,又因每星期要寫食譜,有需要時不停增添,有時午夜夢迴,猛然會想起這些身外物而擔心得無法成眠。更想到要搬家時,住所會由大變小,必得捨棄一部分,竟由擔心變成傷心了。2011 年暑假回美國,在農人市場買到一個有機日本南瓜(kobacha),肉色金黃,質感粉綿甘甜還勝栗子,而且瓜籽豐滿成熟,我隨手撒了一把在門外的一畦地上,其餘的洗淨後晾乾,放在鑊內用小火炒烘,便是十分香脆的南瓜仁了。到了感恩節,小輩從美國來看我,竟帶來一個南瓜,說是我家地上自己長出來的,一共有四個,其他的她們分享了。南瓜不大,重約一公斤多,皮呈墨綠色,瓜蒂一如中國南瓜,微彎有致,我捨不得吃,放在桌上作陳列品,新年時朋友來訪,總拿這個「親生仔」作話題。日本南瓜十分耐貯,從感恩節收成後一直至復活節,都有出售。香港氣候不同美國,春日陰雨連綿,家中所有物品都像發了霉,南瓜已擺了四個月,我恐怕變壞,決定趁早做個南瓜盅。我常在飲食廣告中看到不同南瓜盅的設計,南瓜蓋子和瓜身的切口相吻得天衣無縫,不是一刀一刀所能切成的效果,因而想到以前在美國家中切冬瓜盅的三角刀,便請攝影師代我到上海街走一趟,結果只找得圓底而不是三角形的,也只有這麼一件,便買了。當然尖底和圓底的三角刀,用法上有分別,切出來的南瓜盅,相貌也不相同。為了要多取南瓜肉,我特地把蓋子切大些,瓜盅反而切淺些,南瓜蓋去


材料
做法
材料
日本南瓜 1個(約1000克)
豬頸肉 350克
1湯匙
紹酒 1茶匙
蒜(拍碎) 2瓣
金不換 30克
頂上頭抽 2茶匙
生抽 1茶匙
1/4茶匙
1/2茶匙
胡椒粉 少許
雞湯 1杯
1杯
豬頸肉調味料
魚露 1湯匙
生抽 1茶匙
1/2茶匙
胡椒粉 少許
生粉 1茶匙
麻油 1茶匙
做法
1 用幾枚大頭針和橡筋,圍繞南瓜一圈以定出瓜蓋和瓜盅的比例, 沿橡筋切一淺痕,用小刀依切紋割入,便分為瓜盅和瓜蓋兩部分。
2 挖去瓜盅的瓤,用三角刀切出「狗牙邊」,修齊邊沿,便成花式瓜盅。用保鮮膜包好,上鑊中大火蒸10分鐘至熟;瓜蓋去瓤去皮切成2.5厘米方丁,留用。
3 豬頸肉修去脂肪,淨肉約得300克,先順紋切條,後切2厘米方丁,置於碗內,依次加入魚露、生抽、糖、胡椒粉和生粉,麻油下至最後,一同拌勻。
4 置易潔鑊於中大火上,鑊熱時下油1湯匙搪勻鑊面,倒下豬頸肉排開成一層,煎至轉色便翻面,亦煎至金黃,加入蒜瓣鏟勻,灒酒。
5 加入南瓜炒勻,倒下雞湯,再加水約1杯使及南瓜面,改為中火,煮至汁滾,加入頂上頭抽、生抽和鹽1/4茶匙,些許糖和胡椒粉,加蓋煮至汁液將行收乾,南瓜亦煮至粉綿,試鹽味後便投下金不換,鏟出鑊內所有,盛至南瓜盅內,原個供食。
貼士
花一番功夫去修飾南瓜,其實不是必需,只是好玩罷了。讀者大可隨意把蓋子切出,便成南瓜盅了。




女士必睇!5大食物調整荷爾蒙
188214
專家教洗菜 除蟲除農藥
58193
5大安眠茶 養心好氣色
148742
動手整!炸出嫩滑鮮奶
108800
抗癌南瓜 教你點揀、點煮最健康
122758

有選擇困難症的朋友去幫襯新張的聰記車仔麵,一定好頭痕!因為實在太多選擇,單是麵底就有十三款、湯底又有七款,餸料甚至超過五十款。最低消費兩餸一麵都係$30,鮑汁花膠做餸都係$33!價錢平民化,難怪贏盡街坊掌聲。 聰記車仔麵老闆謝展聰一向從事飲食業,有感車仔麵極富香港特色,而且多空間發揮,例如餸料,蘿蔔、豬皮、芝士腸固然齊備,店內還有多款坊間少見的誠意之作,推介大家一試芫荽韮菜花餃,帶爽脆口感,清香味道亦相當出眾。嗜辣的話必試招牌辣肉碎及雲南腩肉,前者以半肥瘦豬肉炒製,精髓是加了香港少有的雲南醬同炒,香辣刺激。 另一賣點是鮑汁花膠,老闆透過朋友,以超值價買到花膠,他亦藉此機會益街坊,跟車仔麵點選,鮑汁花膠每份$12咋!滑溜彈牙,非常受女士歡迎。滷水餸料亦精彩,聰記的滷水汁,加了可樂提升鮮味,滷水膽又會每天加入新材料熬煮,味道更富層次,所以滷出來的金錢肚、大腸、雞翼、雞腎等,都帶醇醇的滷水陳香。 至於湯底,是熬了十多小時的鮮濃高湯膽,配上麻辣汁、腩汁、滷水汁、咖喱汁、沙嗲汁,即成惹味湯底。大家亦可選清湯或番茄湯,適合配不同餸料。別忘了吃麵時,加入自家炒製的菜脯,鹹香爽脆,愈食愈開胃。即日起至7月31日,凡惠顧全單九折,消費滿$50可獲贈招牌菜脯一樽。 聰記車仔麵 地址: 旺角廣華街2-20號翠園大樓二期地下8號舖   你或有興趣的文章: 【味之大賞 香港】用心製作 迎難以上 港原味 【陳家廚坊煲湯系列】雞腎、雞胗大不同 落腎煲湯有腥味  
2020-07-16,週四
煎牛扒好食,焗都唔差架!將肉與軟腍嘅肉眼扒切粒入爐焗,可以保留豐沛肉汁,用錫紙包住焗,更加係無油煙、易清洗! 材料: 愛爾蘭優質天然有機肉眼 227克 薯仔(新薯) 3-4個 紫洋蔥 半個 鹽 適量 胡椒粉 適量 新鮮百里香 1束 錫紙 適量 巴馬臣芝士碎 1/4 杯 煙肉碎 2湯匙 蔥花 適量 蒜蓉牛油 50克 蒜蓉牛油做法: 牛油 50克 蒜蓉 2湯匙 *蒜蓉牛油混合,放入微波爐加熱20秒至牛油熔化。 做法: 1. 肉眼扒抹乾,切塊,下鹽和胡椒粉,醃半小時。 2. 將一半蒜蓉牛油與肉眼扒拌勻。 3. 薯仔烚半小時,切角。紫洋蔥切碎,備用。 4. 把餘下的一半蒜蓉牛油,加入薯仔及洋蔥拌勻。 5. 預熱焗爐至200度。 6. 肉眼扒、薯仔、洋蔥、新鮮百里香用錫紙包好。 7. 放入焗爐焗15分鐘,反轉整個錫紙包,再多焗10分鐘。 8. 打開錫紙包,加入芝士碎再焗3分鐘。 9. 焗好後灑上煙肉碎和蔥花。   你或有興趣的文章: 【健康好煮意】開胃話梅山楂排骨 百變飯煲菜 蝦仁番茄豆腐湯  
2020-03-31,週二
Lunch Hour明顯多咗人叫外賣或帶飯,為咗冇咁悶,不時轉下口味咯!好似韓國即食雞肉品牌Rankingdak,推出咗好多叮叮雞肉新品,足不出公司,都可以食到小籠包、人蔘雞湯飯,在家工作都啱架! Rankingdak的食品主打健康、低脂、低卡,不過健康得來不減惹味,例如新品雞胸肉小籠包,有原味、泡菜味、燒肋骨味揀(各 $35),低脂雞胸肉餡唔肥膩,兼有彈牙口感,配薯粉製成的外皮,口感煙韌。 特別推介山蔘雞湯飯($79),有湯又有飯,湯底用雞腳熬煮,帶回甘味道,不過濃。配料是手撕雞肉、山蔘及初芽GABA糙米,有質感卻不鞋口,加上有熱湯飲,特別受OL歡迎。 如果只想加味佐飯好菜,醬汁雞胸片最適合不過,有番茄味、燒烤味、蒜味三款(各 $30),香濃又不會似柴皮,頗有驚喜。建議配搭杯裝蒟蒻米炒飯(各 $35),配料超多,可以揀不辣的蘑菇蒟蒻米炒飯,或特辣雞肉蒟蒻米炒飯,同樣好味。唔想叮,Rankingdak部份產品可以熱水浸同煎煮。   Rankingdak 網上商店: www.rankingdak.com.hk   你或有興趣的文章: 【健康好煮意】開胃話梅山楂排骨 開飯!日式薑蔥焗蠔飯DIY  
2020-03-27,週五
將軍澳Spot Mart同TKO Spot優化後全新登場!佢哋係區內唯一以健康生活及文化作定位嘅商場同街市,有得行、有得食仲又得玩。TKO Spot內的小食檔,更是焦點所在。因為優化後,場內引入多達50個小食檔,完全滿足為食一族嘅掃街癮。 食店選擇包括日式美食「日和屋」,親民價錢提供多款特色手卷,店舖更營業至深夜,是名符其實的「深夜食堂」。另有「師父仔」,各式地道街頭小食應有盡有,必試每日限量鮮製手工粉果,以及足料鯪魚肉煎釀三寶。甜品亦係不可少,「糖將軍」自家製嘅芋圓軟糯煙韌,主打台式甜品特飲,正中大家所愛! 至於鮮活街市Spot Mart,有專售本地及入口蔬菜的「恩田蔬菜」、提供各地無激素高質素肉品的「Mr Beef」,貫徹健康生活主題。細心留意,Spot Mart內加入了藝術元素,由插畫家Vivan Ho以新鮮和動感為題創作壁畫,為鮮活市場增添活力氣氛!   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒
2020-03-23,週一
一聽焗蠔飯,好似好複雜,其實烹飪新手都煮到,最緊要生蠔洗得夠徹底。記得添多碗飯,佢先係精髓,加咗蠔汁同煮,鮮味無窮。 材料: 日本廣島蠔2L(急凍) 10隻 米 360克  薑絲 20克  水 360克  鹽 適量 生粉 適量 醤油 3湯匙 清酒 3湯匙 味醂 2湯匙 蔥粒 適量    做法: 1. 米洗淨備用。 2. 用生粉及鹽搓洗生蠔,沖淨後印乾水分。 3. 水、清酒、味醂、醬油倒入煲內煮滾。 4. 加入生蠔,中火煮約3分鐘。 5. 蠔汁加入白米一同煮成飯。 6. 薑絲及生蠔置飯面焗10分鐘。 7. 加適量蔥粒在飯面作裝飾。   你或有興趣的文章: 速學!百搭橙香汁 啱配豬羊雞(附烤肉架食譜) 【女煮人Kinki系列】意式蕃茄一口多士  
2020-03-19,週四
位於台灣宜蘭的逢春園渡假別墅,不時為住客舉辦烹飪工作坊,教整特色美食。之前教大家整過棒打綠豆糕(食譜重溫),今次學埋南瓜慕絲蛋啦!營養豐富又易整,最適合同小朋友一齊DIY!   逢春園曾兩次獲得HotelsCombined全球旅宿卓越大獎、Tripadvisor優良民宿獎: https://fengchunvilla.com.tw/ 材料: 南瓜、沙律醬、芝士、芫荽 各適量   做法: 1. 蛋烚熟切半,取出蛋黃。 2. 南瓜蒸熟去皮。 3. 蛋黃、南瓜、芝士及沙律醬混合。 4. 把蛋黃醬唧在蛋白上,放一片芫荽裝飾。   你或有興趣的文章: 宜蘭民宿私房食譜 棒打綠豆糕 一「飯」煲搞掂 豉油雞翼蒜香飯  
2020-03-17,週二
如果煲湯材料有肉類,最好先汆水,煲走黏附在肉面嘅雜質同血污。汆水唔係就咁放舊肉入水就得嘅,要撇下泡,過埋冷河,而家Step By Step示範俾你睇啦!   1.熱水加入肉類 2.略滾後撇走水面白泡和雜質 3.夾起肉類過冷河   食譜: 海帶杞子豬骨湯 黑豆墨魚豬展湯 雞骨草蜜棗煲豬骨     你或有興趣的文章: 一「飯」煲搞掂 豉油雞翼蒜香飯 【陳家廚坊煲湯系列】煲湯落薑 去皮?連皮?  
2020-03-17,週二
用飯煲烹調菜式真係好方便,煮飯淥麵連滾湯都得,好似呢款蝦仁番茄豆腐湯,分次放入材料,滾番起就飲得!仲可以重溫用飯煲焗豉油雞翼兼煮飯(按此)或者煮日式咖喱烏冬(按此),一樣快靚正又香噴噴。 材料: 番茄 1個  豆腐 1/2盒  蝦仁 6隻(約60克) 蒜頭 2瓣  乾蔥(切片) 1粒 蔥(切粒) 1條 清水  500毫升     做法: 1.番茄、豆腐、蝦仁切粒。 2.開啟煮飯程式 加適量油。 3.放入乾蔥爆香。 4.加入番茄煮至軟身,加清水。 5.蓋上蓋焗煮10分鐘。 6.加入豆腐,滾起加入蝦仁。 7.滾2分鐘,落鹽調味。 8.烹調至煮飯程序完結。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-24,週二
上星期介紹過用飯煲焗豉油雞翼兼煮飯(按此重溫),今次用飯煲整咖哩烏冬,一樣快靚正又香噴噴,仲可以放喜歡嘅餸料一齊煮汁。 材料: 烏冬 1包 中型薯仔 1個 蘑菇 4粒 豆卜(切半) 4粒  小茄子 2個 蒜粒 2瓣 清水 750毫升 酒 適量 牛油 1角   調味料: 咖喱磚 2粒 白醋 1茶匙   做法: 1.薯仔洗淨、去皮、切粒。 2.茄子洗淨、切粒,浸於鹽水中待用。 3.蘑菇洗淨,切粒。 4.咖喱磚加少量開水拌勻至汁狀。 5.開啟煮飯程式,加適量油,爆香蒜粒。 6.加入牛油煮溶。 7.放入蘑菇,煮約30秒。 8.加薯仔、茄子炒勻,焗煮約1分鐘至滾起 9.加入豆卜及清水,蓋好蓋煮至滾起。 10.拌入咖喱汁,煮滾後加白醋調味。 11.加烏冬,蓋好蓋煮至程式結束。   你或有興趣的文章: 【女煮人Kinki系列】意式蕃茄一口多士  齊做小廚神 3.6牛乳奶凍DIY   
2020-03-17,週二
羊扒唔一定配薄荷汁,醒胃嘅橙汁同羊味都好夾架,加上天氣濕黏黏的,一齊黎開開胃啦! 材料: 法式羊架 8支骨(約600克) 雜色燈籠椒 200克 蒜頭(切碎) 4瓣 蒜頭(切片) 4瓣 鮮橙(取汁)  3個 新鮮百里香 15克 海鹽 適量 黑胡椒 適量   做法: 1. 羊架用海鹽、黑胡椒醃透。 2. 燈籠椒切小塊。 3. 爆香蒜頭、燈籠椒。 4. 落鹽調味。 5. 熱油放入羊架,煎至外層轉色。 6. 預熱焗爐至180度,焗30分鐘。 7. 羊架回鑊,加蒜頭、百里香、橙皮。 8. 加入橙汁拌勻。 9. 伴橙汁品嚐。   你或有興趣的文章: 【女煮人Kinki系列】意式蕃茄一口多士 一「飯」煲搞掂 豉油雞翼蒜香飯  
2020-03-16,週一
一個飯煲令你變大廚!唔使多功能飯煲、唔使廚藝了得,用最基本嘅煮飯程式,已經可以煮到靚餸同煲湯,好似呢味豉油雞翼蒜香飯,步驟簡單,唔使睇火,一人簡餐之選! 材料: 雞翼 1/2磅 白米 1杯 清水 1杯 蒜頭(切片) 4瓣   調味料: 生抽 1茶匙 老抽 1茶匙 陳醋 1茶匙 砂糖 2茶匙 紹興酒 2茶匙   做法: 1. 白米洗淨瀝乾,加入蒜片及清水,蓋上蓋,開啟煮飯模式。 2. 雞翼洗淨瀝乾,拌勻調味料,用來醃雞翼30分鐘。 3. 白米煮約5分鐘後,加入雞翼,繼續煲煮。 4. 煮飯程式結束後,再焗10分鐘即成。   你或有興趣的文章: 【一人簡餐】30秒學整芝味蛋多士杯 加咖喱粉調味 薯仔蛋沙律有驚喜  
2020-03-11,週三
冇心情岀街?又唔想買餸煮飯?食住家飯食到悶?一文教你在家如何食盡各地美食!咪就係叫外賣囉! 和平飯店 經典正宗滬、京、川菜館「和平飯店」因應疫情,推岀網上訂餐平台服務,油塘店和V Walk店推岀全日指定外賣餐牌自取半價優惠,心思思想食個小籠包都冇難度。在附近上班的朋友Lunch Time亦多個選擇,上網提早預訂慳錢又慳時間。   和平飯店 地址:油塘高超道38號大本型2樓237號 / 深水埗V Walk 2樓L2-26號舖 訂購連結:https://qrgo.page.link/bk3JB Ruby Tuesday 半價優惠停不了,美國菜餐廳Rudy Tuesday相信無人不曉,餐廳現在推岀外賣自取單點食品半價!用一半價錢就能品嚐到地道美國菜,限時雙重優惠下,消費$500以下將獲贈$50堂食美食券,滿$500更可獲手機版360日特惠通行證會籍!   Ruby Tuesday 分店查詢 板長寿司 壽司專門店「板長寿司」推岀外賣自取折扣,會員8折,非會員亦可享85折,如折實後消費滿$1,000,更隨單送梅酒或清酒一枝,終於可以食日本菜了!   板長寿司 訂購電話:3766 3766 圃鍋 又係打工仔福音,灣仔區私房菜「圃鍋」新增外賣套餐系列,白飯加餐湯$65起,訂3個餐或以上即提供區內外送服務,套餐有齊中式、日式選擇,店家更會隨餐附送酒精搓手液和口罩,十分貼心。堂食火鍋有7折優惠! 圃鍋 地址:灣仔軒尼詩道314~324號W Square 4樓 電話:2891 8689  牛角 以為屋企無燒烤爐就食不到燒肉?日式燒肉人氣食店「牛角」繼推岀「帶回家」燒肉套餐低至8折優惠,4人份會員價只需$737.1便可享用7款烤肉、共11款烤物、招牌牛角飯、香蔥温泉玉子飯和飲品。配合套餐推廣,3月前購買$3,500的「帶回家」燒肉券套裝,即可帶走價值$1,800的光波燒烤爐!家中已備有烤爐則可選擇即時扣減$1,000優惠。   牛角 優惠詳情:http://bit.ly/2PrasRy  寬巷子 台灣過江龍「寬巷子」,主打台式火鍋,創意配料賣相精緻,玫瑰松板豬尤其岀名,有「藝術火鍋料理」之稱,是台北有名的火鍋店。「寬巷子」在疫情下設火鍋外賣服務,只要在下午5時前下單,即晚就能食到地道的台式麻辣火鍋!速遞火鍋享7折,消費滿$1,000,九龍區内免費送貨,選擇自取更低至半價!   寬巷子 地址:海港城海運大廈地下 OTG57舖 電話:3188 2840   【味之大賞】特色食府指南 以味道分高下FB:fb.com/AwardsOfTASTE/IG:instagram.com/awardsoftaste/ 更多【味之大賞】文章: 「隔離」飯香 酒店級外賣直送屋企! 【味之大賞 香港】巨蟹兩食 首創阿拉斯加蟹甲羅燒      
2020-03-20,週五